BJP-RSS સાથે કોઇ દુશ્મની નથી, ફક્ત વૈચારિક મતભેદ- મૌલાના મહમૂદ મદની
દિલ્હીના રામલીલા મેદાનમાં જમિયત ઉલેમા-એ-હિંદ (Jamiat Ulema-i-Hind)ના 34માં સત્રમાં મૌલાના મહમૂદ મદની (Maulana Mahmood Madani)એ મહત્વનું નિવેદન આપ્યું છે. મદનીએ કહ્યું કે ભાજપ અને આરએસએસ સાથે કોઈ દુશ્મની નથી. પરંતુ ધર્મના આધારે કોઈ ભેદભાવ ન હોવો જોઈએ. તેમણે કહ્યું કે અમારી વચ્ચે વૈચારિક મતભેદ છે.મતભેદો ખતમ કરવા માટે અમે આરએસએસના વડાનું સ્વાગતઆરએસએસના સ્થાપકના પુસ્તક બંચ ઓફ થોટ્સમાં ઘણી સમસ્યાઓ છે, પરંતુ વર
09:37 AM Feb 11, 2023 IST
|
Vipul Pandya
દિલ્હીના રામલીલા મેદાનમાં જમિયત ઉલેમા-એ-હિંદ (Jamiat Ulema-i-Hind)ના 34માં સત્રમાં મૌલાના મહમૂદ મદની (Maulana Mahmood Madani)એ મહત્વનું નિવેદન આપ્યું છે. મદનીએ કહ્યું કે ભાજપ અને આરએસએસ સાથે કોઈ દુશ્મની નથી. પરંતુ ધર્મના આધારે કોઈ ભેદભાવ ન હોવો જોઈએ. તેમણે કહ્યું કે અમારી વચ્ચે વૈચારિક મતભેદ છે.
મતભેદો ખતમ કરવા માટે અમે આરએસએસના વડાનું સ્વાગત
આરએસએસના સ્થાપકના પુસ્તક બંચ ઓફ થોટ્સમાં ઘણી સમસ્યાઓ છે, પરંતુ વર્તમાન આરએસએસ વડાના તાજેતરના નિવેદનોને પણ અવગણવા જોઈએ નહીં. તેમણે કહ્યું કે મતભેદો ખતમ કરવા માટે અમે આરએસએસના વડા અને તેમના નેતાઓનું સ્વાગત કરીએ છીએ.
શિક્ષણનું ભગવાકરણ થઈ રહ્યું છે
સંમેલનમાં મદનીએ કહ્યું કે મુસ્લિમોને પયગંબરનું અપમાન મંજૂર નથી. પયગંબર વિરુદ્ધ નિવેદન પણ યોગ્ય નથી. મદનીએ કહ્યું કે શિક્ષણનું ભગવાકરણ થઈ રહ્યું છે. એ પણ કહ્યું કે કોઈ પણ ધર્મના પુસ્તકો બીજા પર થોપવા જોઈએ નહીં. તે મુસ્લીમો માટે અસ્વીકાર્ય છે. આ ભારતીય બંધારણના સિદ્ધાંતોની વિરુદ્ધ છે.
પસમંદા મુસ્લિમો સાથે ભેદભાવ કરવામાં આવી રહ્યો છે
સંમેલનમાં મૌલાના મહમૂદ મદનીએ જણાવ્યું હતું કે પસમંદા મુસ્લિમો સાથે ભેદભાવ કરવામાં આવી રહ્યો છે. પરંતુ જમીયત ઉલેમા-એ-હિંદ પસમન્દા મુસ્લિમોના આરક્ષણ માટે લડશે. તેમણે કહ્યું કે પસમાંદાઓ માટે અનામતની જરૂર છે. જાતિના આધારે અન્યાય થઈ રહ્યો છે તે બદલ અમને ખેદ છે. મદનીએ કહ્યું કે દરેક મુસ્લિમ સમાન છે. ઈસ્લામમાં જાતિ ભેદભાવ મંજૂર નથી.
પસમાંદાઓના ઉત્થાન માટે સરકારના પ્રયાસોની પ્રશંસા
મદનીએ પસમાંદાઓના ઉત્થાન માટે સરકારના પ્રયાસોની પ્રશંસા કરી હતી અને વધુ પ્રયત્નોની જરૂર છે. તેમણે કહ્યું કે મુસ્લિમો ભારત પર બોજ નથી. તેમણે કહ્યું કે આરબ દેશોમાંથી $4-5 બિલિયનનું રેમિટન્સ આવે છે. આમાંથી 70% મુસ્લિમો લાવે છે. તેમણે કહ્યું કે તમામ મુશ્કેલીઓ છતાં મુસ્લિમ શિલ્પકાર, કારીગરો અને મોટા બિઝનેસ હાઉસ ભારતના જીડીપીમાં યોગદાન આપી રહ્યા છે.
તુર્કીને મદદ કરવાના મોદી સરકારના પ્રયાસોની પ્રશંસા
મહેમૂદ મદનીએ ભૂકંપથી પ્રભાવિત તુર્કીને મદદ કરવાના મોદી સરકારના પ્રયાસોની પ્રશંસા કરી હતી. મદનીએ કહ્યું કે તુર્કીને મદદ કરવાના સરકારના પ્રયાસો માત્ર પ્રકાશીકી માટે નથી. તેના બદલે, આ સંકટના સમયમાં, સરકાર તુર્કીની મદદ કરવા માટે તમામ શક્ય પ્રયાસો કરી રહી છે. આ ભારતની વિદેશ નીતિનો સારો ભાગ છે.
મદનીએ કહ્યું કે પેલેસ્ટાઈન અને ઈઝરાયલને લઈને ભારતની વિદેશ નીતિમાં ફેરફાર લાંબા ગાળે ભારત માટે ફાયદાકારક નથી. આ ટૂંકા ગાળાના લાભો લાવી શકે છે, પરંતુ લાંબા ગાળા માટે સાચું નથી.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
Next Article