નીરજ ચોપરાએ તોડ્યો પોતાનો જ નેશનલ રેકોર્ડ, ડાયમંડ લીગમાં રચ્યો ઈતિહાસ

મહત્વનું છે કે, સ્ટોકહોમમાં રમાયેલી ડાયમંડ લીગમાં નીરજ ચોપરાએ 89.94 મીટરનો થ્રો કર્યો હતો, અને આમ તેણે પોતાનો જ રાષ્ટ્રીય રેકોર્ડ તોડ્યો હતો, જે 14 જૂને સેટ થયો હતો. નીરજે તુર્કુમાં પાવે નુર્મી ગેમ્સમાં 89.30 મીટર ભાલા ફેંકીને સિલ્વર મેડલ જીત્યો હતો. ડિફેન્ડિંગ વર્લ્ડ ચેમ્પિયન એન્ડરસન પીટર્સે 90.31ના જંગી થ્રો સાથે નવો ચેમ્પિયનશિપ રેકોર્ડ બનાવ્યો ત્યાં સુધી નીરજનો થ્રો ડાયમંડ લીગ ટુર્નામેન્ટનો રેકોર્ડ પણ હતો. નીરજ ચોપરા તેના પ્રથમ થ્રોમાં સુધારો કરી શક્યો ન હતો અને તેને સિલ્વર મેડલથી સંતોષ માનવો પડ્યો હતો.