ઓલા ઈ-સ્કૂટર યુઝર્સને જલ્દી જ આ અદ્ભુત ફીચર મળશે, જાણો શું છે નવા અપડેટમા

ટ્વિટર પર ઓલા એપનો એક વીડિયો શેર કરતી વખતે, ઓલા ઈલેક્ટ્રીકના સ્થાપક અને સીઈઓ ભાવિશ અગ્રવાલે કહ્યું કે અમે ટૂંક સમયમાં નવું અપડેટ રજૂ કરીશું. આ અપડેટ પછી એપ લોક ફીચર એક્ટિવેટ થઈ જશે. તેણે કહ્યું કે “અમારી પાસે MoveOS 2 માટે Ola ઈલેક્ટ્રિક એપ તૈયાર છે”, જ્યારે Ola Electricના ચીફ માર્કેટિંગ ઓફિસર વરુણ દુબેએ પણ ટ્વિટર પર એક વીડિયો શેર કર્યો છે. આ વિડિયો અનુસાર, યુઝર્સને એપમાંથી ઇલેક્ટ્રિક સ્કૂટર જ્યારે ઉપયોગમાં ન હોય ત્યારે તેને લોક કરવાની સુવિધા મળશે. વિડીયો એ પણ સમજાવે છે કે એપલોક ફીચર કેવી રીતે કામ કરશે.

ઓલા ઈલેક્ટ્રીકે કહ્યું કે નવા સોફ્ટવેર અપડેટમાં અમે તે ફીચર્સ ઉમેરી રહ્યા છીએ જે તેના ઈલેક્ટ્રિક સ્કૂટર S1 અને S1 Proમાં અત્યાર સુધી ખૂટતા હતા. આ કંપનીનું પ્રથમ મોટું ઓવર-ધ-એર (OTA) અપડેટ છે. એપ લોક ફીચર સિવાય, નવા અપડેટમાં સ્કૂટર સાથે બ્લૂટૂથ કનેક્ટિવિટી, નેવિગેશન અને ક્રૂઝ કંટ્રોલ પણ હશે.

કંપનીએ નવા અપડેટમાં મળેલા ફીચર્સ પરથી પડદો હટાવી દીધો છે. આવી સ્થિતિમાં હજુ પણ કેટલાક એવા ફીચર્સ છે જેના માટે લોકોએ રાહ જોવી પડશે. ઉદાહરણ તરીકે, ગ્રાહકોએ હિલ હોલ્ડ કંટ્રોલ અને હાઇપર મોડ જેવી સુવિધાઓ માટે રાહ જોવી પડશે. લોન્ચ દરમિયાન કંપનીએ આ ફિચર્સ મુખ્ય ફિચર્સમાંથી જણાવ્યું હતું. જોકે કંપનીનું કહેવું છે કે આ ફીચર્સ પણ ટૂંક સમયમાં રિલીઝ કરવામાં આવશે.