Kon Banshe Gujarat No Genius: ગુજરાતના સૌથી મોટા મેગા ક્વિઝ શો 'કોણ બનશે ગુજરાતનો જીનિયસ'માં ભાગ લેનાર સ્પર્ધકોમાં અત્યારે ભારે ઉત્સાહ જોવા મળી રહ્યો છે. આ શોના પ્રથમ રાઉન્ડ એવા 'ડિજિટલ દંગલ'માં ગાંધીનગરના નિકુંજભાઈ સુથારની પસંદગી થતા તેમના પરિવાર અને મિત્ર વર્તુળમાં આનંદની લહેર દોડી ગઈ છે.
ગાંધીનગરના નિકુંજભાઈ સુથાર થયા સિલેક્ટ
પોતાની પસંદગી અંગે વાત કરતા નિકુંજભાઈ સુથારે જણાવ્યું હતું કે, તેમણે શરૂઆતમાં માત્ર સ્પર્ધા છે તેવું સમજીને જ ભાગ લીધો હતો, પરંતુ જ્યારે તેઓ સિલેક્ટ થયા ત્યારે તેમને ખૂબ જ આનંદ થયો. તેમની સફળતા પાછળનું રહસ્ય જણાવતા તેમણે કહ્યું કે, "હું નિયમિત રીતે ન્યૂઝ પેપર વાંચું છું અને સતત સમાચાર જોવાની ટેવ ધરાવું છું, જેણે મને આ ક્વિઝમાં મદદ કરી."
નિકુંજભાઈએ સ્વીકાર્યું કે ક્વિઝની શરૂઆત તેમના માટે પડકારજનક રહી હતી, જેમાં પ્રથમ ચાર સવાલોના જવાબ ખોટા પડ્યા હતા. પરંતુ, તેમણે હિંમત ન હારતા પાંચમાં સવાલથી એકપણ જવાબ ચૂક્યા ન હતા અને તમામ સવાલોના સાચા જવાબ આપીને પોતાની ક્ષમતા સાબિત કરી હતી.
તમારા માટે પણ તક: જ્ઞાન સાથે ગમ્મત અને ઈનામોની વણઝાર
'કોણ બનશે ગુજરાતનો જીનિયસ' શો ગુજરાતના દરેક જિલ્લામાં ખૂબ જ લોકપ્રિય બની રહ્યો છે. આ શો માત્ર સામાન્ય જ્ઞાનની સ્પર્ધા નથી, પરંતુ અહીં જીતવા માટે સ્માર્ટ વૉચ, મોબાઈલ, લેપટોપ અને દેશ-વિદેશની ટૂર જેવા આકર્ષક ઈનામો પણ રાખવામાં આવ્યા છે.
જે લોકો હજુ સુધી આ સ્પર્ધામાં સામેલ નથી થયા, તેઓ નીચે મુજબની રીતે ભાગ લઈ શકે છે:
વોટ્સએપ નંબર 99251 25133પર 'HI' મેસેજ કરો.
શોના અધિકૃત QR કોડને સ્કેન કરીને સીધા જ ડિજિટલ દંગલ રાઉન્ડમાં જોડાઈ શકો છો.
જો તમારામાં પણ ટેલેન્ટ છે અને કંઈક કરી છૂટવાની ધગશ છે, તો રાહ જોયા વગર આ તક ઝડપી લો અને બનો ગુજરાતના જીનિયસ!
આ પણ વાંચો: Gujarat First Quiz Show : ગુજરાત ફર્સ્ટના 'કોણ બનશે ગુજરાતના જીનિયસ?' શોને જબરદસ્ત પ્રતિસાદ, જુઓ VIDEO
