તમારો મોબાઈલ ફોન ચોરી થાય કે ખોવાઈ જાય તો હવે ચિંતા નહીં, આ સરળ રીતે મિનિટોમાં થઈ જશે ટ્રેક

આ ટેકનોલોજી અને
ઈન્ટરનેટના જમાનામાં નાના બાળકોથી લઈને વૃદ્ધો સુધી દરેક મોબાઈલ ફોન ઉપયોગ કરતા થઈ
ગયા છે. આજે મોબાઈલ માણસ માટે એક જરૂરીયાતની વસ્તુ બની ગઈ છે. કદાચ લોકોને એક સમય
જમવાનું નહીં મળે તો ચાલશે પરંતુ મોબાઈલ વગર નહીં ચાલે. તો આજે અમે તમને આ મોબાઈલ
ફોનને લઈને એક ખુબ જ ઉપયોગી વાત કરવા જઈ રહ્યા છીએ. હાલના સમયમાં આપણે બધા સ્માર્ટફોન પર એટલા બધા કામો માટે વાપરીએ
છીએ કે જો ફોન ખોવાઈ જાય કે ચોરી થઈ  તો જાણે આપણી દુનિયા થંભી જાય. આજે તમારી માટે કેટલીક એવી ટ્રિક્સ લઈને
આવ્યા છીએ જેની મદદથી તમે ખોવાયેલ સ્માર્ટફોનને સરળતાથી ટ્રેક કરી શકશો.

જો તમે એન્ડ્રોઈડ યૂઝર્સ છો અને તમારો ફોન ખોવાઈ ગયો છે તો તેને
શોધવા માટે તમે એન્ડ્રોઈડ ડિવાઈઝ મેનેજરમાં ફાઈન્ડ માય ડિવાઈઝ ફિચરનો ઉપયોગ કરી
શકો છો. જણાવી દઈએ કે એન્ડ્રોઈડ ડિવાઈઝની લોકેશન ટ્રેકિંગ સર્વિસ ત્યારે જ કામ
કરશે જ્યારે તમારા ખોવાયેલ ફોનનું જીપીએસ ઓન હશે, નહીંતો
આ ફિચર કામ નહીં કરે. તમે એન્ડ્રોઈડ ડોટ કોમ સ્લેશ ફાઈન્ડ પર સાઈન ઈન કરીને પણ
તમારો ફોન શોધી શકો છો.

જો તમારો ફોન ખોવાઈ ગયો છે કે કોઈએ ચોરી લીધો છે તો સૌથી પહેલા
પોતાના નંબર પર કોલ કરીને જુઓ, હોઈ શકે છે કે તમારી
આસપાસ ક્યાંક મળી જાય. એવું પણ હોઈ શકે છે કે કોઈ માણસને સ્માર્ટફોન મળ્યો હોય અને
કોલ કરવાથી તે તમારી પાસે ફોન આપવા આવી શકે. ટ્રાય  કે
તમારા ફોનમાં પાસવર્ડ લાગેલો હોય જેથી કોઈ ચોર ફોનને એક્સેસ કરવામાં નિષ્ફળ થાય
અને તમને ફોન શોધવાનો સમય પણ મળી જાય.

જો તમે આઈફોન યૂઝર્સ છો અને તમારો ફોન ખોવાઈ ગયો છે તો સૌથી પહેલા
કોઈ બીજા ડિવાઈઝ પર તમારા એપલ આઈડીથી લોગઈન કરીને લોસ્ટ મોડને એક્ટિવ કરો અથવા તો
તમે એપલના ફાઈન્ડ માય iPhone ફિચરનો પણ ઉપયોગ કરી શકો છો. ફાઈન્ડ માય
નેટવર્કની મદદથી તમે પોતાના ફોનને સ્વિચ ઓફ થયાના 24 કલાક
સુધી ટ્રેક કરી શકો છો. જો તમારી પાસે કોઈ બીજું એપલ ડિવાઈઝ નથી તો તમે iCloud
ડોટ કોમ પર જઈને પણ આ ફિચરનો ઉપયોગ કરી શકો છો.