હવે શાહિદ કપૂરનો જુઓ આ અલગ અંદાજ

શાહિદ કપૂર એક શાનદાર અભિનેતા તરીકે ઓળખાય છે. તે તેના સોશિયલ મીડિયા પર જે વીડિયો શેર કરે છે તેમાં તેની ફની સ્ટાઇલ જોવા મળે છે, પરંતુ હવે શાહિદનો અલગ જ લુક જોવા મળ્યો છે.

શાહિદ કપૂરની ફિલ્મ 'જર્સી' ટૂંક સમયમાં આવી રહી છે. ફિલ્મની રિલીઝ પહેલા તે પોતાની ફિલ્મના પ્રમોશનમાં વ્યસ્ત છે. શાહિદ કપૂર એક શાનદાર અભિનેતા તરીકે ઓળખાય છે. તે તેના સોશિયલ મીડિયા પર જે વીડિયો શેર કરે છે તેમાં તેની ફની સ્ટાઈલ જોવા મળે છે, પરંતુ હવે શાહિદનો એક અલગ જ લુક જોવા મળ્યો જેમાં તેણે નાની-નાની વાત પર આસપાસના લોકો પર ચીસો પાડવાનું શરૂ કર્યું. શાહિદનો વીડિયો વેનિટી વેનની અંદર અને બહાર શૂટ કરવામાં આવ્યો હતો. તેની આ રીતે બૂમો પાડવાથી તેની આસપાસના લોકો પણ ડરી જાય છે.

પહેલા તે વેનિટી વેનની અંદર કોફી માંગે છે. પછી વેનિટી વેન ગેટ ખોલી અને બહાર બેઠેલા લોકોને કોફી માટે પૂછે છે. જે બાદ તે બહાર આવ્યા બાદ પણ બૂમો પાડતો જોવા મળે છે. વાસ્તવમાં શાહિદે આ માત્ર એક રીલ બનાવવા માટે કર્યું હતું અને તે એકદમ ફની લાગે છે.

વીડિયોની સાથે શાહિદે કેપ્શનમાં લખ્યું - 'શું બીજા કોઈને કોફી જોઈએ છે?' શાહિદના વીડિયો પર, એક યુઝરે લખ્યું - 'તો પછી કોફી વિથ કરણ શોમાં જાઓ.' એકે કહ્યું, 'હું ફક્ત તમારી સાથે કોફી પીશ. ' એકે કહ્યું, 'તે ખૂબ રમુજી છે.'