15 મી ફેબ્રુઆરીના રોજ દેશભરમાં દવાના વેપારીઓનું મોટું આંદોલન

આગામી 15 મી ફેબ્રુઆરીના રોજ દવાના વેપારીઓનું દેશભરમાં મોટું આંદોલન થવા જઈ રહ્યું છે. પહેલીવાર દેશમાં દવાબજારના વેપારી રસ્તા પર ઉતરશે અને ઓનલાઇન દવા અને ડુપ્લીકેટ દવાઓના વેચાણને લઈ  વિરોધ નોંધાવશે. 

ઓલ ઇન્ડિયા એસોસીએશનના 9 લાખ 40 હજાર જેમાં ગુજરાતના 32 હજાર દવાના વેપારીઓ આંદોલનમાં જોડાશે. ગુજરાત કેમિસ્ટ એસોસિયેશનના પ્રમુખ જશુભાઈ પટેલ જણાવ્યું કે ગલી ગલી થી દિલ્હી સુધી દરેક શહેરમાં કલેક્ટરોને આવેદન અપાશે અને દેશભરમાં ઊંચા કમિશન પર દવા વેચતા ઓનલાઇન વેપારીઓ સામે વિરોધ નોંધાવવામાં આવશે. ઊંચા કમિશને ઓનલાઇન મળતી દવાઓ ડુપ્લીકેટ હોવાના પણ અનેક કેસ સામે આવ્યા છે ત્યારે ઓનલાઇન દવાના વેપાર પર પ્રતિબંધ મૂકવામાં આવે તેવી માંગણી સાથે અમે તેને 15 મી ફેબ્રુઆરીએ દેશવ્યાપી આંદોલન કરવાના છીએ..

ગુજરાત કેમિસ્ટ એસોસિયેશનના પ્રમુખ જશુભાઈ પટેલ જણાવે છે કે આગામી 15 તારીખના રોજ અમે ગલી ગલીથી દિલ્હી સુધી તમામ સતાધિકારીઓને આવેદનપત્ર પાઠવીશું. મોટી સંખ્યામાં મેડિકલના વેપારીઓ ભેગા થશે અને જે તે જિલ્લાના કલેકટરને આવેદનપત્ર આપશે. અમારું કમિશન પહેલેથી નક્કી છે અને તે મુજબ જ વર્ષોથી અમે ધંધો કરતા આવ્યા છે. પરંતુ હવે ઓનલાઇન ધંધાના વેપારીઓ 35 થી 40% સુધી ઊંચું કમિશન આપી અને લોકોને આકર્ષી રહ્યા છે પરિણામે ઊંચા ડિસ્કાઉન્ટની લાલચમાં લોકો ઓનલાઈન દવાની ખરીદી કરતા થયા છે. અને તેમાં ડુપ્લીકેટ દવાનું વેચાણ પણ થતું હોવાનું જશુભાઈ પટેલે જણાવ્યું હતું. પરિણામે વર્ષોથી મેન્યુઅલી દવાનો વેપાર કરતાં વેપારીઓ નો ધંધો પડી ભાંગ્યો છે તેને લઈને દેશભરમાં 15 મી ફેબ્રુઆરીના રોજ તમામ વેપારીઓ રસ્તા પર ઉતરશે અને દિલ્હી સુધી રજૂઆત કરશે.  

દવાના ઓનલાઇન વેપાર માં અનેકવાર ડુપ્લીકેટ દવા પકડાઈ હોવાના પણ કિસ્સા સામે આવ્યા છે ત્યારે ભારત સરકારે કેટલીક દવાઓના બારકોડ સિસ્ટમ પણ અમલી કરી છે. જો કે હજી ઘણી દવાઓનું બારકોડ અમલીકરણ બાકી છે તે થયા બાદ ડુપ્લીકેશનનું પ્રમાણ ઘટશે તેવું પણ જશુભાઈ પટેલે જણાવ્યું હતું. પરંતુ હાલ ઓનલાઈન વેપાર કરતી ફાર્મસી દ્વારા મોટેપાયે ડિસ્કાઉન્ટ આપી અને લોકોને લાલચ આપવામાં આવી રહી છે અને પરિણામે વેપારીઓના ધંધા પડી ભાંગ્યા છે ત્યારે ઓનલાઇન ધંધા પર રોક આવે તે જરૂરી છે.  ગુજરાતના 32000 દવાના વેપારીઓ 15 મી ફેબ્રુઆરીએ આંદોલનમાં જોડાશે અને દેશભરના 9,40,000 વેપારીઓ ગલી ગલી થી દિલ્હી સુધી રજૂઆત કરશે..

આ પણ વાંચોઃ  અમદાવાદીઓને જંત્રીના નવા દરમાં રાહત, જાણો AMCનું બજેટ