Panchmahal : ફૂલેકાને લઈ પિતરાઈ ભાઈ બાખડયા, લગ્ન પ્રસંગે લોહી રેડાતા સૌ શોકમગ્ન

પંચમહાલના શહેરા તાલુકાના ડેમલી ગામમાં લગ્ન પ્રસંગ દરમિયાન એક દુખદ બનાવ સામે આવ્યો છે. સંબંધીના ઘરે ફૂલેકું લઈ જવાની બાબતે મિનેશ ડામોર અને તેના પિતરાઈ ભાઈઓ વચ્ચે સામાન્ય બોલાચાલી થઈ હતી, જેનું સ્વરૂપ ઉગ્ર બનતા મામલો મારામારી સુધી પહોંચ્યો હતો. આરોપીઓ પ્રકાશ ડામોર અને દિપક ડામોરે મિનેશનું ગળું દબાવીને તેને નિર્દયતાથી માર માર્યો હતો, જેમાં મિનેશનું ઘટનાસ્થળે જ મોત નીપજ્યું હતું. આ ઘટનાને પગલે લગ્નપ્રસંગમાં શોકનું મોજું ફરી વળ્યું છે. પોલીસ દ્વારા બંને આરોપીઓની ધરપકડ કરીને આગળની કાર્યવાહી હાથ ધરવામાં આવી છે. આ દુખદ ઘટનામાં મિનેશના પરિવારમાંથી મોભી છીનવાઈ જતા તેના ત્રણ બાળકો નિરાધાર બન્યા છે.