પંચાયત સેવા પસંદગી મંડળે જુનિયર ક્લાર્ક પરીક્ષાનું પેપર લીક થવા મામલે   પ્રેસ કોન્ફરન્સ યોજી હતી.. ચેરમેન સંદીપ કુમારે જણાવ્યું હતું કે આગામી 100 દિવસમાં પરીક્ષા યોજાશે. તેમણે કહ્યું કે આ મામલામાં કાર્યવાહી કરવામાં આવી રહી છે. ગુજરાત બહારની ગુનાહિત સંગઠિત ગેંગની સંડોવણી હોવાનું સામે આવ્યું છે. 

15 જેટલા આરોપીઓની અટકાયત કરાઈ છે. તેમની તપાસ ચાલુ છે. મહેનતુ અને સાચા ઉમેદવારો નુકસાન ન થાય તે માટે પરીક્ષા રદ કરી તેવું તેમણે કહ્યું. તેમણે વધુમાં કહ્યું કે હવે પછીની પરીક્ષામાં ઉમેદવારોને એસટીમાં વિનામૂલ્યે મુસાફરીની સુવિધા અપાશે. સાથે જ કહેવાયં કે,હવે પછીની તારીખે યોજાનાર પરીક્ષામાં પરીક્ષાના દિવસે જ પોતાની હોલ ટીકીટ બતાવી એસટી બસમાં મફત આવવા-જવાની સુવિધા મેળવી શકાશે.

આટલી જાહેરાત કરીને પંચાયત સેવા પસંદગી મંડળના અધિકારીઓ  ઉભા થઈ ગયા હતા. તેઓ મીડિયાના પ્રશ્નોના જવાબ આપવા પણ રોકાયા ન હતા. ત્યારે સરકારને કોનો ડર છે તે સવાલ અહીં ઉભો થાય છે. તેઓએ મીડિયા સાથે કોઈ પણ પ્રકારની વાત કરવાનું ટાળ્યુ હતું. પ્રેસ કોન્ફરન્સનું કાગળિયું વાંચીને અધિકારીઓ ઉભા થઈ ગયા હતા. 

કાગળ પર લખેલું લખાણ વાંચીને ચેરમેન સંદીપ કુમાર ત્યાંથી રવાના થઈ ગયા હતી. તેઓ પત્રકારોના સવાલ આપવા માટે પણ ના ઊભા રહ્યા. પંચાયત સેવા પસંદગી મંડળના ચેરમેન PC પૂરી કરીને રવાના થઇ ગયા તેઓએ પત્રકારોના એક પણ સવાલનો જવાબ ન આપ્યો. 100 દિવસમાં પરીક્ષા યોજાશે એટલું કહીને ચેરમેન ત્યાંથી રવાના થયા હતા. ત્યારે શું કાગળમાં લખેલી 4 લાઈન વાંચવા પત્રકાર પરિષદ રાખી હતી તે સવાલ અહીં ખુબજ મહત્વપૂર્ણ બની જાય છે.