સુરતના એક જર્જરિત મકાનનો ધાબાનો ભાગ થયો ધરાશાયી, એક ઈજાગ્રસ્ત

Surat : સુરતના હોડી બંગલા વિસ્તારમાં એક વર્ષો જૂની ઈમારતનો ટેરેસનો ભાગ ધરાશાયી થતાં એક વ્યક્તિ ઈજાગ્રસ્ત થયો હતો, જેને ફાયર વિભાગે તાત્કાલિક રેસ્ક્યૂ કરી હોસ્પિટલ ખસેડ્યો હતો. આ ઘટનાને પગલે સુરત મહાનગરપાલિકા (SMC) અને ફાયર વિભાગે સંપૂર્ણ બિલ્ડિંગ ખાલી કરાવીને સલામતીના પગલાં લીધાં. આ ઈમારતની જર્જરિત હાલતને કારણે અગાઉ અનેકવાર નોટિસો આપવામાં આવી હતી, પરંતુ સ્થાનિકો અને માલિકોએ તેનું પાલન ન કરતાં આ દુર્ઘટના બની. ફાયર વિભાગ અને તંત્રની નોટિસો છતાં જરૂરી સમારકામ કે ખાલી કરાવવાની કાર્યવાહી ન થતાં, તંત્ર દ્વારા માત્ર નોટિસ આપીને જવાબદારી પૂરી કરવામાં આવી હોવાનું સામે આવ્યું છે, જે બિલ્ડિંગ સલામતીના નિયમોની ઉણપ દર્શાવે છે.