વડાપ્રધાન નરેન્દ્ર મોદીએ નેપાળના વડાપ્રધાન શેર બહાદુર દેઉબા સાથે બેઠક પૂર્ણ

વડાપ્રધાન નરેન્દ્ર મોદી નેપાળના લુમ્બિની પહોંચી ગયા છે. નેપાળના વડાપ્રધાન શેર બહાદુર દેઉબાએ મોદીનું સ્વાગત કર્યું.  બુદ્ધ પૂર્ણિમાના અવસર પર લુમ્બિની પહોંચેલા વડાપ્રધાન મોદીએ માયા દેવીના દર્શન કર્યા હતા.

વડાપ્રધાન નરેન્દ્ર મોદી આજે નેપાળની મુલાકાતે જઈ રહ્યા છે. વડાપ્રધાન મોદી બુદ્ધના જન્મસ્થળની મુલાકાત લેશે અને નેપાળ સાથે દ્વિપક્ષીય મંત્રણા પણ કરશે. વડાપ્રધાન નરેન્દ્ર મોદીની આ મુલાકાત ચીન માટે એક મજબૂત સંદેશ પણ માનવામાં આવી રહી છે. આ દરમિયાન વડાપ્રાણ  મોદીનું પ્લેન નેપાળમાં ચીનની મદદથી બનેલા એરપોર્ટ પર નહીં જાય. દિલ્હીથી ટેકઓફ કર્યા બાદ પીએમ મોદીનું પ્લેન સૌથી પહેલા ઉત્તર પ્રદેશના કુશીનગર એરપોર્ટ પર ઉતરશે. કુશીનગરથી વડાપ્રધાન મોદી MI17 હેલિકોપ્ટર દ્વારા સીધા જ બુદ્ધના જન્મસ્થળ લુમ્બિની જશે.

લુમ્બિની પહોંચ્યા બાદ વડાપ્રધાન મોદી પહેલા માયાદેવી મંદિરમાં પૂજા કરશે અને બૌદ્ધ સાંસ્કૃતિક કેન્દ્રનું ભૂમિપૂજન પણ કરશે. નેપાળની 6 કલાકની મુલાકાત દરમિયાન બંને દેશો વચ્ચે દ્વિપક્ષીય વાતચીત પણ થશે. વડાપ્રધાન નરેન્દ્ર મોદી ચીન દ્વારા બનાવવામાં આવેલ એરપોર્ટને બાયપાસ કરીને સીધા જ લુમ્બિની જશે. જ્યાં તેમના આગમન માટે યુનેસ્કો વર્લ્ડ હેરિટેજ સાઈટ ખાતે હેલિપેડનું નિર્માણ કરવામાં આવ્યું છે. ચીનના એરપોર્ટનો ઉપયોગ ન કરવો એ  ચીનના જાણી જોઈને અસ્વીકાર તરીકે જોવામાં આવી રહ્યું છે.

સાંસ્કૃતિક અને શિક્ષણ ક્ષેત્રે ભારત અને નેપાળ વચ્ચે ઘણા કરારો થઈ શકે છે. તેમજ હાઇડ્રોપાવર ડેવલપમેન્ટ, પાર્ટનરશીપ અને કનેક્ટિવિટી જેવા મુદ્દાઓ પર ચર્ચા કરવામાં આવશે. વડાપ્રધાન મોદીની નેપાળની આ પાંચમી મુલાકાત છે. બીજા કાર્યકાળમાં પ્રથમ વખત વડાપ્રધાન મોદી નેપાળ જઈ રહ્યા છે. વડાપ્રધાનની આ મુલાકાત બંને દેશોની મિત્રતા માટે ઘણી મહત્વપૂર્ણ માનવામાં આવે છે. આ ઉપરાંત બુદ્ધ પૂર્ણિમાએ વડાપ્રધાન મોદીની આ મુલાકાત ચીનની બેચેની વધારવા માટે પૂરતી છે.