પંજાબના CMની આજે શપથવિધી, ભગવંત માન મુખ્યમંત્રી પદના લેશે શપથ
આમ આદમી પાર્ટીના ભગવંત માન બુધવારે પંજાબના 25માં મુખ્યમંત્રી તરીકે નવાશહેરના ખટકરકલાન ગામમાં શપથ લેશે. સમારંભ 11.30 કલાકે શરૂ થશે. પંજાબના રાજ્યપાલ બનબરીલાલ પુરોહિત તેમને પદના શપથ લેવડાવશે. આ સમારોહમાં દિલ્હીના મુખ્યમંત્રી અરવિંદ કેજરીવાલ સહિત અનેક મોટા રાજકીય નેતાઓ હાજર રહેશે.સમારોહને વિશેષ બનાવવા માટે ખાસ વ્યવસ્થા કરવામાં આવી છે. સમગ્ર પંજાબમાંથી બે લાખથી વધુ લોકો આવ્યા હોવ
Advertisement
આમ આદમી પાર્ટીના ભગવંત માન બુધવારે પંજાબના 25માં મુખ્યમંત્રી તરીકે નવાશહેરના ખટકરકલાન ગામમાં શપથ લેશે. સમારંભ 11.30 કલાકે શરૂ થશે. પંજાબના રાજ્યપાલ બનબરીલાલ પુરોહિત તેમને પદના શપથ લેવડાવશે. આ સમારોહમાં દિલ્હીના મુખ્યમંત્રી અરવિંદ કેજરીવાલ સહિત અનેક મોટા રાજકીય નેતાઓ હાજર રહેશે.
સમારોહને વિશેષ બનાવવા માટે ખાસ વ્યવસ્થા કરવામાં આવી છે. સમગ્ર પંજાબમાંથી બે લાખથી વધુ લોકો આવ્યા હોવાનો દાવો કરવામાં આવ્યો છે. શહીદ સ્મારકની પાછળ એક લાખ લોકો રહેવાની વ્યવસ્થા કરવામાં આવી છે, જ્યારે સ્મારકની જમીન પર સાડા છ એકર વિસ્તારમાં પંડાલ બનાવવામાં આવશે. શપથ ગ્રહણ સમારોહ પહેલા ભગવંત માને એક વીડિયો જાહેર કરીને લોકોને આમંત્રણ આપ્યું છે.
વીડિયો દ્વારા માનએ કહ્યું કે માત્ર હું જ નહીં, પંજાબના ત્રણ કરોડ લોકો પણ મારી સાથે શપથ લેશે. આપણે સાથે મળીને ભગતસિંહના સપનાને સાકાર કરવાના છે અને અમે 16 માર્ચે તેમના વિઝનને અમલમાં મુકીશું. માને વધુમાં કહ્યું કે, હું એકલો મુખ્યમંત્રી નથી બન્યો. તમે બધા મુખ્યમંત્રી બની ગયા છો. હવે તમારી પોતાની સરકાર હશે.
હું મારા ભાઈઓ અને મિત્રોને વિનંતી કરું છું કે તે દિવસે બસંતી રંગની પાઘડી પહેરે અને બહેનોને બસંતી રંગના દુપટ્ટા પહેરે. અમે તે દિવસે ખટકરકલનને બસંતી રંગમાં બદલીશું. દિલ્હીના મુખ્યમંત્રી અને આમ આદમી પાર્ટીના રાષ્ટ્રીય કન્વીનર અરવિંદ કેજરીવાલ, નાયબ મુખ્યમંત્રી મનીષ સિસોદિયા, સાંસદ સંજય સિંહ, પાર્ટીના પંજાબ પ્રભારી રાઘવ ચઢ્ઢા ભગવંત માનના શપથ ગ્રહણ સમારોહમાં હાજરી આપશે.
શપથમાં આટલા લોકો રહેશે ઉપસ્થિત
આમ આદમી પાર્ટી તરફથી પૂર્વ મુખ્યમંત્રી ચરણજીત સિંહ ચન્ની, કેપ્ટન અમરિંદર સિંહ, પંજાબ કોંગ્રેસના અધ્યક્ષ નવજોત સિંહ સિદ્ધુને પણ આમંત્રણ મોકલવામાં આવ્યું છે. કોમેડિયન કપિલ શર્મા અને રાજુ શ્રીવાસ્તવ પણ ફંક્શનમાં હાજરી આપી શકે છે.