Rajkot : Gujarat First દ્વારા પાણી વિક્રેતાઓના રિયાલિટી ચેકમાં ખુલ્યું ભયાનક સત્ય

ઉનાળો શરૂ થતાની સાથે જ આરોગ્ય વિભાગને પ્રજાનાં આરોગ્યની ચિંતાનો ડર સતાવતો હોય છે. રાજકોટ મહાનગરપાલિકા (Rajkot Muncipal Corporation)ના આરોગ્ય વિભાગ (Helth Department) દ્વારા રાજકોટમાં પાણીના જગના વિક્રેતાઓને ત્યાં અચાનક ચેકીંગ હાથ ધરવામાં આવ્યું હતું. આરોગ્ય વિભાગ (Helth Department) દ્વારા શહેરના અલગ અલગ 49 વિક્રેતાઓને ત્યાંથી સેમ્પલ લેવામાં આવ્યા હતા. શહેરીજનોનાં આરોગ્ય સાથે ચેડા કરતા તત્વો સામે આરોગ્ય વિભાગ દ્વારા કાર્યવાહી હાથ ધરવામાં આવી હતી. તેમજ જે લોકોના પાણીના જગ પીવાલાયક નથી તેવા વેપારીઓને તાત્કાલીક ધોરણે પાણીના જગનું વિતરણ બંધ કરવાની કડક સૂચના આરોગ્ય વિભાગ દ્વારા આપવામાં આવી હતી.