RBI 1લી ડિસેમ્બરથી લોંચ કરશે ડિજિટલ કરન્સીનો પાયલોટ પ્રોજેક્ટ
RBI તેની ડિજિટલ કરન્સી (Digital Currency)નો પાયલોટ પ્રોજેક્ટ 1 ડિસેમ્બરે શરૂ કરવા જઈ રહી છે. આ પાયલોટ પ્રોજેક્ટમાં, ગ્રાહકો અને વેપારીઓનું એક બંધ વપરાશકર્તા જૂથ પણ પસંદગીના સ્થળોએ શરૂ કરવામાં આવશે. ઇ-રૂપી (e₹-R) ડિજિટલ ટોકન (Digital Token) તરીકે કામ કરશે. જે રીતે ચલણી નોટો અને સિક્કા કામ કરે છે તેવી જ રીતે ડિજિટલ ચલણ કામ કરશે. અને તેનું વિતરણ બેંકો દ્વારા કરવામાં આવશે.પસંદ કરેલા સ્થળો પર પાયલોટ પ્રોજેક્ટઆ પ
12:20 PM Nov 29, 2022 IST
|
Vipul Pandya
RBI તેની ડિજિટલ કરન્સી (Digital Currency)નો પાયલોટ પ્રોજેક્ટ 1 ડિસેમ્બરે શરૂ કરવા જઈ રહી છે. આ પાયલોટ પ્રોજેક્ટમાં, ગ્રાહકો અને વેપારીઓનું એક બંધ વપરાશકર્તા જૂથ પણ પસંદગીના સ્થળોએ શરૂ કરવામાં આવશે. ઇ-રૂપી (e₹-R) ડિજિટલ ટોકન (Digital Token) તરીકે કામ કરશે. જે રીતે ચલણી નોટો અને સિક્કા કામ કરે છે તેવી જ રીતે ડિજિટલ ચલણ કામ કરશે. અને તેનું વિતરણ બેંકો દ્વારા કરવામાં આવશે.
પસંદ કરેલા સ્થળો પર પાયલોટ પ્રોજેક્ટ
આ પાયલોટ પ્રોજેક્ટ પસંદગીના સ્થળોએ ક્લોઝ્ડ યુઝર ગૃપમાં આવરી લેવામાં આવશે જેમાં સહભાગી ગ્રાહકો તેમજ વેપારીઓનો સમાવેશ થશે. ડિજિટલ રૂપિયો (e₹-R) ડિજિટલ ટોકનના સ્વરૂપમાં હશે જે કાનૂની ટેન્ડર હશે. તે બેંકોમાં વહેંચવામાં આવશે. આરબીઆઈએ કહ્યું કે યુઝર્સ મોબાઈલ ફોન અથવા ડિવાઈસમાં સંગ્રહિત બેંકોના ડિજિટલ વોલેટમાંથી ડિજિટલ રૂપિયા દ્વારા ટ્રાન્ઝેક્શન કરી શકશે. આ વ્યવહારો વ્યક્તિથી વ્યક્તિ (P2P) એટલે કે બે વ્યક્તિઓ વચ્ચે અને પર્સન ટુ મર્ચન્ટ (P2M) એટલે કે વ્યક્તિ અને વેપારી વચ્ચે થઈ શકશે. વેપારીના સ્થાન પર પ્રદર્શિત થતા QR કોડ દ્વારા વેપારીને એટલે કે દુકાનદારને ચુકવણી કરી શકાષે. આ પાયલોટ પ્રોજેક્ટ પસંદગીના સ્થળોએ ક્લોઝ્ડ યુઝર ગૃપમાં આવરી લેવામાં આવશે જેમાં સહભાગી ગ્રાહકો તેમજ વેપારીઓનો સમાવેશ થશે.
ડિજિટલ કરન્સી પર વ્યાજ નહીં મળે!
આરબીઆઈએ કહ્યું છે કે રોકડની જેમ ડિજિટલ કરન્સી પર કોઈ વ્યાજ આપવામાં આવશે નહીં. ઉપરાંત, તેને અન્ય પ્રકારના ચલણની જેમ બેંકોની પાસે ડિપોઝીટની રુપે કન્વર્ટ કરી શકાશે. આ પાયલોટ પ્રોજેક્ટના અનુભવોના આધારે, ભવિષ્યના પાયલોટ પ્રોજેક્ટ્સમાં ડિજિટલ ચલણની વિવિધ સુવિધાઓ અને એપ્લિકેશનનું પરીક્ષણ કરવામાં આવશે.
પ્રથમ અહીં લોન્ચ કરાશે
આરબીઆઈના જણાવ્યા અનુસાર, પાયલોટ પ્રોજેક્ટ માટે 8 બેંકોની ઓળખ કરવામાં આવી છે. પ્રથમ તબક્કામાં સ્ટેટ બેંક ઓફ ઈન્ડિયા, આઈસીઆઈસીઆઈ બેંક, યસ બેંક અને આઈડીએફસી ફર્સ્ટ બેંક સહિત ચાર બેંકો દેશના ચાર શહેરોમાં પાયલોટ પ્રોજેક્ટમાં ભાગ લઈ રહી છે. ત્યાર બાદ બેંક ઓફ બરોડા, યુનિયન બેંક, HDFC બેંક અને કોટક મહિન્દ્રા બેંક પાછળથી જોડાશે. આ પાયલોટ પ્રોજેક્ટ સૌપ્રથમ દિલ્હી, મુંબઈ, બેંગ્લોર અને ભુવનેશ્વરમાં શરૂ થવા જઈ રહ્યો છે. બાદમાં તેને અમદાવાદ, ગંગટોક, ગુવાહાટી, હૈદરાબાદ, ઈન્દોર, કોચી, લખનૌ, પટના અને શિમલામાં લોન્ચ કરવામાં આવશે.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
Next Article