Republic Day 2026: Gujarat એ દેશનું સૌથી સુરક્ષિત રાજ્ય, "બહેનો પર અત્યાચાર કરનારાઓને ફાંસી અપાઈ"
- અમદાવાદ (Ahmedabad) માં 77 માં પ્રજાસતાક દિવસની ઉજવણી
- મકરબા ગ્રામ્ય પોલીસ હેડ ક્વાટર ખાતે ઉજવણી
- નાયબ મુખ્યમંત્રી હર્ષભાઈ સંઘવીની ( DY CM Harsh Sanghvi) ઉપસ્થિતિમાં ઉજવણી
- પોલીસ વિભાગના વિવિધ પ્રોજેક્ટોનું પણ લોકાર્પણ
- શાળાના બાળકો દ્વારા સાંસ્કૃતિક કાર્યક્રમનું આયોજન
77th Republic Day: સમગ્ર ભારત આજે ગૌરવભેર 77 માં પ્રજાસત્તાક દિવસની ઉજવણી કરી રહ્યું છે, ત્યારે અમદાવાદ (Ahmedabad) જિલ્લા કક્ષાનો મુખ્ય કાર્યક્રમ મકરબા ગ્રામ્ય પોલીસ હેડક્વાર્ટર ખાતે અત્યંત ઉત્સાહપૂર્ણ માહોલમાં યોજાયો હતો. આ પ્રસંગે નાયબ મુખ્યમંત્રી હર્ષભાઈ સંઘવી (DY CM Harsh Sanghvi) એ ધ્વજવંદન કરાવી તિરંગાને સલામી આપી હતી અને નાગરિકોને ગણતંત્ર દિવસની શુભેચ્છાઓ પાઠવી હતી.
નાયબ મુખ્યમંત્રી હર્ષભાઈ સંઘવીનું નિવેદન
પોલીસ વિભાગની કામગીરી બિરદાવતા નાયબ મુખ્યમંત્રીએ કડક શબ્દોમાં ચેતવણી આપી હતી કે, “ગુજરાત દેશનું સૌથી સુરક્ષિત રાજ્ય છે. જો કોઈ બહેન-દીકરી સામે ખરાબ નજર કરશે તો તે ક્યારેય ચલાવી લેવાશે નહીં.” તેમણે આંકડાકીય વિગતો આપતા જણાવ્યું કે,સરકારે રેકોર્ડબ્રેક ઝડપે કાર્યવાહી કરી 14 નરાધમોને ફાંસીની સજા અપાવી છે.દીકરીઓ સામે ગુનો કરનાર 907 આરોપીઓને આજીવન કેદ ની સજા અપાઈ છે.વર્ષ 2025 માં 338 ગુંડાઓને જેલના સળિયા પાછળ ધકેલી દેવાયા છે.