ગુજરાતમાં શીતલહેરનો સેકન્ડ સ્પેલ! વેસ્ટર્ન ડિસ્ટર્બન્સની અસરથી ઠંડી વધી

Cold wave in Gujarat : ગુજરાત રાજ્યમાં છેલ્લા કેટલાક દિવસોથી વાતાવરણમાં આવેલા સતત પલટા બાદ હવે ફરી એકવાર ઠંડીનો નવો રાઉન્ડ શરૂ થયો છે, જેમાં વેસ્ટર્ન ડિસ્ટર્બન્સ (Western Disturbance) સક્રિય થતાં આગામી બે દિવસ લઘુત્તમ તાપમાનમાં (Minimum Temperature) ઘટાડો થવાની સંભાવના છે.

રાજ્યમાં શીતલહેર

હિમાલય તરફથી આવતા સૂકા અને અતિશય ઠંડા પવનોના કારણે રાજ્યમાં શીતલહેર (Cold Wave) પ્રસરી છે, જેના લીધે નલિયામાં 11 ડિગ્રી અને ભુજમાં પારો ગગડીને 9 ડિગ્રી સુધી પહોંચી ગયો છે, તો બીજી તરફ અમદાવાદ, ગાંધીનગર અને રાજકોટ જેવા મુખ્ય શહેરોમાં પણ તાપમાન 11 થી 12 ડિગ્રીની આસપાસ નોંધાતા કાતિલ ઠંડીનો અનુભવ થઈ રહ્યો છે. આશરે 13 કિમી પ્રતિ કલાકની ઝડપે ફૂંકાતા ઠંડા પવનો અને વાદળછાયા વાતાવરણ વચ્ચે જાન્યુઆરી મહિનાના અંત સુધી ઠંડીનું આ સામ્રાજ્ય યથાવત રહેવાની હવામાન વિભાગની આગાહી છે, જેની ખેતી અને જનજીવન પર વ્યાપક અસર (Massive Impact) જોવા મળી રહી છે.

આ પણ વાંચો :  ગુજરાતમાં ઠંડીનો સેકન્ડ સ્પેલ! તાપમાનનો પારો ગગડ્યો, જનજીવન પ્રભાવિત