લિયો ક્લબ ઓફ દિગ્વિજયનગર દ્વારા અનોખી રીતે કરાઈ સિક્રેટ સાંટા ઇવેન્ટની ઉજવણી

લિયો ક્લબ ઓફ દિગ્વિજય નગર (Leo Club of Digvijayanagar)દ્વારા સતત 7મા વર્ષે તેની "સિક્રેટ સાન્ટા" (Secret Santa)ઈવેન્ટનું આયોજન કરવામાં આવ્યું. જેમાં 24મી ડિસેમ્બર 22ની મધ્યરાત્રિએ અમદાવાદ શહેરના રસ્તાની બાજુમાં, પુલની નીચે, નાની ઝૂંપડીઓ પર સૂતા બેઘર લોકોને 1000 ગિફ્ટકિટ્સ ભેટમાં આપવામાં આવી હતી. 

ક્રિસમસ ના તહેવારમાં સાંટા દ્વારા અલગ અલગ રીતે ગિફ્ટ આપવાનો રિવાજ છે ખુશીઓ વહેંચવાનો રિવાજ છે. ત્યારે લીયો કલબ ઓફ દિગ્વિજય નગર છેલ્લા સાત વર્ષથી આ રીતે લોકોની મદદ કરતી આવી છે જ્યારે તેઓ ગિફ્ટ આપવા પહોંચ્યા ત્યારે ઘણા લાભાર્થીઓ ઊંઘતા હતા અને તેઓને ખબર ન હતી કે તેમને વસ્તુઓ કોણે ભેટ આપી છે.પરંતુ તમારી બાજુમાં ભેટ સાથે સવારે જાગવાનો અને આશ્ચર્યજનક છે કે આ કોણે કર્યું હશે તે ફક્ત અકલ્પનીય આનંદ છે. ક્લબ તરફથી મેહુલ લાલવાણીએ જણાવ્યું હતું કે અમે આ ઇવેન્ટ તે લોકો માટે કરીએ છીએ જો સાચા અર્થમાં જરૂરિયાત મંદ છે અને આવું કરવાથી  તેમને આનંદ મળશે. ક્લબ સાથે સંકળાયેલા 60 થી વધુ સ્વયંસેવકો આ કાર્યમાં જોડાયા હતા તેમણે વિવિધ ગિફ્ટ ની સાથે જરૂરિયાત મંદ કીટનું પણ વિતરણ કરી લોકોની મદદ કરી હતી.

આપણ વાંચો-33 વર્ષથી ભારતીય સેનામાં લેફ્ટેનન્ટ કર્નલ તરીકે ફરજ બજાવતા મનીષ મોદી પણ પ્રમુખ સ્વામી નગરના સેવા યજ્ઞમાં જોડાયા