Adani Groupની કંપનીઓના શેર ઘટ્યા, રોકાણકારોના 2.75 લાખ કરોડ ડૂબ્યા
કંપનીઓ પર દેવાના અહેવાલ બાદ અદાણી ગ્રુપની કંપનીઓના શેરમાં ઘટાડાનો સિલસિલો યથાવત છે. શુક્રવારે 27 જાન્યુઆરીએ અદાણી પોર્ટ્સના શેરમાં 24% અને અદાણી ટ્રાન્સમિશનના શેર 20% કરતાં વધુ ઘટ્યા હતા.આ ઘટાડાનો સમયગાળો ત્યારે શરૂ થયો જ્યારે ફોરેન્સિક ફાઇનાન્શિયલ રિસર્ચ ફર્મ હિંડેનબર્ગે તેના રિપોર્ટમાં અદાણી ગ્રુપ પર છેતરપિંડીનો આરોપ મૂક્યો. અદાણી ગ્રુપ પર તેની મોટી અસર થઈ છે.બુધવારથી એટલે કà
10:12 AM Jan 27, 2023 IST
|
Vipul Pandya
કંપનીઓ પર દેવાના અહેવાલ બાદ અદાણી ગ્રુપની કંપનીઓના શેરમાં ઘટાડાનો સિલસિલો યથાવત છે. શુક્રવારે 27 જાન્યુઆરીએ અદાણી પોર્ટ્સના શેરમાં 24% અને અદાણી ટ્રાન્સમિશનના શેર 20% કરતાં વધુ ઘટ્યા હતા.આ ઘટાડાનો સમયગાળો ત્યારે શરૂ થયો જ્યારે ફોરેન્સિક ફાઇનાન્શિયલ રિસર્ચ ફર્મ હિંડેનબર્ગે તેના રિપોર્ટમાં અદાણી ગ્રુપ પર છેતરપિંડીનો આરોપ મૂક્યો. અદાણી ગ્રુપ પર તેની મોટી અસર થઈ છે.
બુધવારથી એટલે કે 3 દિવસમાં અદાણીની નેટવર્થમાં 10% થી વધુનો ઘટાડો થયો છે. બ્લૂમબર્ગ બિલિયોનેર્સ ઈન્ડેક્સ અનુસાર, અદાણીને 1.44 લાખ કરોડ રૂપિયાથી વધુનું નુકસાન થયું છે. અદાણીની કંપનીઓના માર્કેટ કેપમાં પણ ઘટાડો થયો છે, જેના કારણે રોકાણકારોને 2.75 લાખ કરોડથી વધુનું નુકસાન થયું છે.
બુધવારે પણ મોટો ઘટાડો નોંધાયો હતો
બુધવારે અદાણી ટ્રાન્સમિશન 8.08%, અદાણી પોર્ટ્સ 6.13%, અદાણી વિલ્મર 4.99%, અદાણી પાવર 4.95%, અદાણી ટોટલ ગેસ 3.90%, અદાણી ગ્રીન એનર્જી 2.34% અને અદાણી એન્ટરપ્રાઇઝ 1.07% ઘટીને બંધ થયા હતા. તાજેતરમાં અદાણી ગ્રુપ દ્વારા ખરીદવામાં આવેલી કંપનીઓ અંબુજા સિમેન્ટ, ACC 7.14% અને NDTVના શેરમાં 5.00% ઘટાડો થયો.
અદાણીને 81 હજાર કરોડ રૂપિયાથી વધુનું નુકસાન થયું
- અહેવાલને કારણે ગૌતમ અદાણીની નેટવર્થ બુધવારથી લગભગ 8.56% ઘટી છે.
- બ્લૂમબર્ગ બિલિયોનેર્સ ઈન્ડેક્સ અનુસાર, અદાણીને 10 બિલિયન ડોલર એટલે કે રૂ. 81,000 કરોડથી વધુનું નુકસાન થયું છે.
- અદાણીની કુલ નેટવર્થ હવે 109 બિલિયન ડોલર એટલે કે 8.89 લાખ કરોડ રૂપિયા છે.
- અદાણી ગ્રૂપના CFO જુગશિન્દર સિંહે આરોપોને બકવાસ ગણાવ્યા
- અદાણી ગ્રુપના ચીફ ફાયનાન્સિયલ ઓફિસર (CFO) જુગશિંદર સિંહે આ અહેવાલને બકવાસ ગણાવ્યા છે. અહેવાલને તથ્યવિહીન ગણાવતા તેમણે કહ્યું કે જે આક્ષેપો કરવામાં આવ્યા છે તે પાયાવિહોણા છે. આ રિપોર્ટ દૂષિત ઈરાદાથી પ્રેરિત છે. હિંડેનબર્ગ સંશોધને અમારો સંપર્ક કરવાનો અથવા મેટ્રિક્સની ચકાસણી કરવાનો પ્રયાસ કર્યો નથી. આ રિપોર્ટ ખોટી માહિતીથી ભરેલો છે.
અદાણી જૂથ હિંડેનબર્ગ ફર્મ સામે કાનૂની કાર્યવાહી કરી શકે છે
અદાણી ગ્રુપ અમેરિકન રિસર્ચ ફર્મ હિંડનબર્ગ સામે શેરના વેચાણને નુકસાન પહોંચાડવા બદલ કાનૂની પગલાં લેવાનું વિચારી રહ્યું છે. કાનૂની કાર્યવાહી અંગે, હિંડનબર્ગે જણાવ્યું હતું કે તેઓ તેમના અહેવાલ પર સંપૂર્ણ રીતે ફર્મ છે અને અદાણી જૂથ દ્વારા કોઈપણ કાનૂની કાર્યવાહી થશે તો તે સામનો કરવા તૈયાર છે.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
Next Article