કચ્છમાં કોરોના વેકસીનની અછત, તંત્રની બેદકારી સામે આવી

ગુજરાત ફર્સ્ટ ન્યુઝની ટીમએ આજે ભુજ તાલુકાના મીરજાપરના પેટા આરોગ્ય કેન્દ્રમાં મુલાકાત લીધી હતી જોકે સવારે 11:00 વાગે આ આરોગ્ય કેન્દ્રમાં તાળાં જોવા મળ્યા હતા બીજી તરફ ભુજ શહેરના વ્યાયામશાળા ગ્રાઉન્ડમાં આવેલા ભુજ શહેરી આરોગ્ય કેન્દ્રની મુલાકાત લીધી હતી 

જ્યાં વેક્સિન ન ઉપલબ્ધ હોવાનું જાણવા મળ્યું હતું જો કે આ બાબતે જિલ્લા આરોગ્ય અધિકારીનો સંપર્ક કરતા તેઓએ ફોન ઉપાડવાની તસદી લીધી ન હતી ત્યારે જિલ્લામાં જોવા જઈએ તો હાલમાં વેક્સિન ઉપલબ્ધ ન હોવાથી લોકોને પારાવાર હાલાકીનો સામનો કરવો પડી રહ્યો છે સ્થાનિક લોકોના કહેવા પ્રમાણે જિલ્લા આરોગ્યતંત્ર દ્વારા તમામ પ્રાથમિક સામુહિક તેમજ પેટા આરોગ્ય કેન્દ્રમાં રસીનો જથ્થો ઉપલબ્ધ કરાવવામાં આવે તે જરૂરી બની રહે છે જેથી કરીને લોકોને હાલાકીનો સામનો કરવો ન પડે  તેવી  સાવચેતી  રાખવી  જોઈએ. 

કચ્છમાં રસીકરણમાં લોકોએ ઓછો રસ લેતા થોડો સમય અગાઉ રસીનો જથ્થો પરત કરાયો હતો. પરંતુ હવે લોકો રસી ઉપલબ્ધ કેમ નથી તેવા સવાલો કરી રહ્યા છે કોવેક્સિન 750 ડોઝ કચ્છમાં છે જે દર ગુરુવારે પ્રાથમિક આરોગ્ય કેન્દ્ર અને અર્બન પ્રાથમિક આરોગ્ય કેન્દ્ર ખાતે સવારના સમય અપાય છે એક વાયલમાં 10 ડોઝ આપવામાં આવતો હોવાનું જણાવ્યું હતું . 

આપણ  વાંચો- આવતીકાલથી રાજકોટ હનુમાનજીની ભક્તિના રંગે રંગાઈ જશે