નતાશા પૂનાવાલાના હટકે લૂક સાથે રિહાન્નાના સ્ટેચ્યુ, જુઓ હટકે ફેશનના જલવા

ફેશનની સૌથી મોટી ઇવેન્ટ મેટ ગાલા 2022 હોલિવુડની સૌથી સ્પશિયલ ફેશન ઇવેન્ટ ગણાય છે. જેમાં ઘણાં ઇન્ડિયન સેલેબ્સ પણ આ વર્ષે પોતાના જોરદાર ડ્રેસીંગ સાથે  છવાય હતાં. બિઝનેસ વુમન નતાશા પૂનાવાલાએ સબ્યાસાચીની ડિઝાઇનર સાડી પહેરી હતી. નતાશાના આ લૂકે ભારે તહેલકો મચાવ્યો છે. 

મેટ ગાલા 2022માં રેડ કાર્પેટથી લઈને બેબી બમ્પ સાથે રીહાન્નાના સ્ટેચ્યુ સુધી, આ વખતની ફેશન ઈવેન્ટ યાદગાર રહી છે. મેટ્રોપોલિટન મ્યુઝિયમ ઓફ આર્ટસ કોસ્ચ્યુમ ઇન્સ્ટિટ્યૂટ, ન્યૂયોર્કમાં બે વર્ષ પછી મેટ ગાલા 2022નું આયોજન કરવામાં આવ્યું છે. 2020માં કોરોનાને કારણે ફેશન ઈવેન્ટ થઈ શકી ન હતી, તેથી 2021માં માત્ર એક નાનકડી ઈવેન્ટ કરવામાં આવી હતી. દર વર્ષે રેડ કાર્પેટ પર સેલેબ્સના લુક્સની ખૂબ ચર્ચા થાય છે, જ્યારે આ વખતે રેડ કાર્પેટ પર એક સુંદર મોમેન્ટ પણ જોવા મળી હતી. 

24 લાખથી લઇને 3 કરોડ રુપિયા સુધીની ટિકિટ હોય છે. આ વર્ષે ઇવેન્ટ માટે ઘણાં નિયમો પણ હતાં. જેમાં લસણ ડુંગળીવાળું મેનુ પણ બાકાત રખાયું હતું. સાથે જ ઇવેન્ટમાં નો સ્મોકીંગ ઝોન જાહેર કરાયું હતુ. આ ફેશન ઇવેન્ટમાં  ન્યૂયોર્ક સિટી ડિપાર્ટમેન્ટ ઓફ કલ્ચરલ અફેર્સના કમિશનર લૌરી કેમ્બો માટે આ રેડ કાર્પેટ ખૂબ જ ખાસ હતી. 

તેના બોયફ્રેન્ડ બોબી ડીઝી ઓલિસાએ રેડ કાર્પેટ પર ઘૂંટણિયે બેસીને પ્રપોઝ કર્યું અને રિંગ પહેરાવી હતી. આ જોઈને લૌરી પણ ખૂબ જ ભાવુક થઈ ગઈ હતી. માત્ર આ બંને માટે જ નહીં, પરંતુ આ ક્ષણે ત્યાં હાજર દરેકને ' પ્રેમ'નો અહેસાસ કરાવ્યો. મેટ ગાલા દર વર્ષે યોજાય છે. આ એક ચેરિટી ઇવેન્ટ છે. ફેશન ઈન્ડસ્ટ્રીની સૌથી મોટી ઈવેન્ટમાં દરેક વ્યક્તિ એક થીમ પ્રમાણે પોશાક પહેરે છે. આ વર્ષની થીમ 'ઇન અમેરિકાઃ એન એન્થોલોજી ઓફ ફેશન' હતી અને ડ્રેસ કોડ હતો 'ગિલ્ડેડ ગ્લેમર એન્ડ વ્હાઇટ ટાઇ'. આ વર્ષે ઇવેન્ટનું આયોજન રેયાન રેનોલ્ડ્સ, રેજિના કિંગ, પાવર કપલ બ્લેક લાઇવલી અને લિન-મેન્યુઅલ મિરાન્ડા દ્વારા કરવામાં આવ્યું હતું. એલેન મસ્ક તેની માતા સાથે આવ્યો હતો.  સાથે જ ઘણાં સેલેબ્રિટિઝ હાજર રહ્યાં