શેરબજાર તેજી સાથે બંધ, જાણો સેન્સેક્સમાં કેટલો ઉછાળો
શેરબજાર (Stock market)માં દિવાળી શરૂ થઈ ગઈ છે. દિવાળી પહેલા સપ્તાહના પ્રથમ ટ્રેડિંગ દિવસે શેરબજારમાં જોરદાર તેજી જોવા મળી હતી. બેન્કિંગ, એનર્જી શેરોમાં રોકાણકારોની ખરીદીને કારણે બજાર જોરદાર ઉછાળા સાથે બંધ થયું છે. આજે કારોબારના અંતે મુંબઈ સ્ટોક એક્સચેન્જનો સેન્સેક્સ 492 પોઈન્ટના ઉછાળા સાથે 58,410 પોઈન્ટ પર જ્યારે નેશનલ સ્ટોક એક્સચેન્જનો નિફ્ટી 134 પોઈન્ટના ઉછાળા સાથે 17,320 પોઈન્ટની સપાટીએ બંધ રહ્યો હતો.
બજારમાં આજના ટ્રેડિંગ સેશનમાં બેન્કિંગ, ઓટો, આઈટી, એનર્જી, ફાર્મા, એમએફસીજી સેક્ટરના શેરોમાં ખરીદારી જોવા મળી હતી. જ્યારે મેટલ્સ, રિયલ એસ્ટેટ અને મીડિયા સેક્ટરના શેરોમાં વેચવાલી જોવા મળી હતી. બજારમાં આજે સ્મોલ કેપ અને મિડ કેપ સેક્ટરના શેરોમાં પણ ખરીદારી જોવા મળી હતી. નિફ્ટી ઈન્ડેક્સના 50 શેરોમાંથી 34 શેર ઉછાળા સાથે બંધ થયા હતા જ્યારે 16 શેર ઘટીને બંધ થયા હતા. સેન્સેક્સના 30 શેરોમાંથી 23 શેર લીલા નિશાનમાં અને 7 શેર ઘટાડાની સાથે બંધ થયા હતા.
કયા શેરમાં થયો વધારો
વધારો જોવા મળ્યો હતો તે જોઈએ તો SBI 3.20 ટકા, બજાજ ફિનસર્વ 2.05 ટકા, એક્સિસ બેન્ક 1.97 ટકા, ICICI બેન્ક 1.84 ટકા, NTPC 1.64 ટકા, ઇન્ડસઇન્ડ બેન્ક 1.58 ટકા, રિલાયન્સ 1.44 ટકા, કોટક મહિન્દ્રા 9 ટકા વધીને બંધ થયા હતા. .
કયા શેરે પ્રોફિટ-બુકિંગ કરતા શેરો
પર નજર કરીએ તો હિન્દાલ્કો 2.23 ટકા, લાર્સન 1.49 ટકા, જેએસડબલ્યુ સ્ટીલ 1.37 ટકા, એચસીએલ ટેક 0.79 ટકા, વિપ્રો 0.58 ટકા, ટાટા સ્ટીલ 0.55 ટકા, બ્રિટાનિયા 0.49 ટકા, બીપીસીએલ 44 ટકા. પાવર ગ્રીડ 0.38 ટકાના ઘટાડા સાથે બંધ.