Studio on Wheels: કપાસ કાઢવાથી લઈને આંતરરાષ્ટ્રીય સ્ટેજ સુધીનો સંઘર્ષ, Nandlal Chhanga સાથે સંવાદ

Studio on Wheels:સફળતાના શિખરો સર કરનારા દરેક કલાકાર પાછળ એક મોટો સંઘર્ષ છુપાયેલો હોય છે. આવો જ એક પ્રેરણાદાયી કિસ્સો છે જાણીતા ગાયક નંદલાલ છાંગા (Nandlal Chhanga) નો. 'સ્ટુડિયો ઓન વ્હીલ્સ' (Studio on Wheels) સાથેના વિશેષ સંવાદમાં તેમણે ખેતરમાં મજૂરી કરવાથી લઈને આંતરરાષ્ટ્રીય (International) ખ્યાતિ મેળવવા સુધીના પોતાના જીવનના અનેક પાસાઓ વિશે ખુલીને ચર્ચા કરી હતી.

સાત પેઢીમાં કોઈ ગાયક નથી, છતાં સંગીતનો વારસો મળ્યો

નંદલાલ છાંગાએ જણાવ્યું કે તેમના પરિવારની સાત પેઢીમાં કોઈ સંગીત સાથે જોડાયેલું નથી. તેમ છતાં, તેમને ગાયિકીનો વારસો તેમની માતા પાસેથી મળ્યો છે. બાળપણમાં માતાના મુખેથી સાંભળેલા ભજનોએ તેમનામાં સંગીત પ્રત્યેની રુચિ જગાડી હતી. બાળપણથી જ તેઓ રાધાકૃષ્ણ (Radha Krishna) ની ભક્તિમાં લીન રહ્યા છે અને તે જ ભક્તિ તેમના ગીતોમાં પણ છલકાય છે.