Studio on Wheels એ લીધી કડી સ્થિત દેશની સૌથી મોટી સેનેટરીવેર કંપની CERA ના પ્લાન્ટની મુલાકાત

ગુજરાત ફર્સ્ટ (Gujarat First)નું 'સ્ટુડિયો ઓન વ્હીલ્સ' (Studio on Wheels) તાજેતરમાં કડી ખાતે આવેલી દેશની સૌથી મોટી સેનેટરીવેર કંપની CERA ના અત્યાધુનિક પ્લાન્ટમાં પહોંચ્યું હતું, જ્યાં ચેનલ હેડ ડૉ. વિવેક કુમાર ભટ્ટે (Dr. Vivek Kumar Bhatt) કંપનીના સિનિયર વાઇસ પ્રેસિડેન્ટ અજય જૈન (Mr. Ajay Jain) સાથે ખાસ વાતચીત કરી હતી.

Studio on Wheels પહોંચ્યું કડી સ્થિત દેશની સૌથી મોટી સેનેટરીવેર કંપની CERA ના પ્લાન્ટમાં

આ મુલાકાત દરમિયાન 'આત્મનિર્ભર ભારત' અને 'મેક ઇન ઇન્ડિયા'ના પ્રતીક સમાન CERA ના ફોસેટ (નળ) મેન્યુફેક્ચરિંગ સેક્શનનું જીવંત નિદર્શન કરવામાં આવ્યું હતું. બ્રાસ મેકિંગની પાયાની પ્રક્રિયાથી લઈને ઇન્ટરનેશનલ સ્ટાન્ડર્ડ મુજબના ફાઇનલ ફિનિશિંગ અને પેકેજિંગ સુધીની તમામ કામગીરીમાં કેવી રીતે અદ્યતન ટેક્નોલોજીનો ઉપયોગ થાય છે, તેની વિગતવાર માહિતી અજય જૈને આપી હતી. CERA ના ઉત્પાદનોમાં ગુણવત્તા અને મજબૂતીની સાથે સ્મૂથ વોટર ફ્લો અને પાણીની બચત કરતી ઇનોવેટિવ ટેક્નોલોજી પર વિશેષ ભાર મૂકવામાં આવે છે. આધુનિક ઘરો માટે સ્ટાઇલિશ અને સ્માર્ટ વોટર સોલ્યુશન પ્રદાન કરતી આ કંપની ભારતીય વિશ્વાસ અને આંતરરાષ્ટ્રીય ગુણવત્તાનો સમન્વય કરી રહી છે. પ્લાન્ટની આ વિશેષ મુલાકાત દર્શાવે છે કે કેવી રીતે CERA ટેક્નોલોજીના માધ્યમથી ટકાઉ અને પર્યાવરણને અનુકૂળ ઉત્પાદનો તૈયાર કરી વૈશ્વિક સ્તરે ભારતનું ગૌરવ વધારી રહી છે.