સુરતના હથોડા ગામે ગૌરક્ષકો અને પોલીસ પર હિંસક હુમલો, 41 સામે ગુનો દાખલ

Police attack case in Hathoda village of Surat : સુરતના હથોડા ગામે ગૌરક્ષકો અને પોલીસની ટીમ પર થયેલા હિંસક હુમલાની ઘટનાએ ચકચાર મચાવી છે, જેમાં ફરજ પરના પોલીસકર્મીઓ અને ગૌરક્ષકોને નિશાન બનાવવામાં આવ્યા હતા. આ મામલે કોસંબા પોલીસ મથકે ઉસ્માન મિર્ઝા સહિત કુલ 41 શખ્સો વિરુદ્ધ કાયદેસરનો ગુનો નોંધીને કડક કાર્યવાહી શરૂ કરવામાં આવી છે. હુમલા દરમિયાન એક ગૌરક્ષકને માથાના ભાગે ગંભીર ઈજાઓ પહોંચતા તેમને તાત્કાલિક સારવાર અર્થે હોસ્પિટલમાં ખસેડાયા છે. સ્થિતિને નિયંત્રણમાં લેવા અને આરોપીઓની ધરપકડ કરવા માટે સુરત પોલીસે ઓપરેશન હાથ ધરી ગામમાંથી ૨૨ જેટલા શંકાસ્પદ વ્યક્તિઓની અટકાયત કરી ઊંડી તપાસ શરૂ કરી છે.