Surat : 15 ફેબ્રુઆરીથી હેલ્મેટના કાયદાનું ચુસ્તપણે થશે પાલન!

• સુરતમાં 15 ફેબ્રુઆરીથી હેલ્મેટના કાયદાનું ચુસ્ત પાલન
• પોલીસની 40 જેટલી ટીમ અલગ-અલગ જંક્શન પર રહેશે તૈનાત
• સીસીટીવી કેમેરા, મોબાઈલ એપ્લિકેશનથી રહેેશે નજર
• હેલ્મેટ નહીં પહેરનારા ટુ-વ્હીલર ચાલકો સામે થશે કાર્યવાહી
• શાળા-કોલેજોમાં અભ્યાસ અર્થે આવતા વિદ્યાર્થીઓની પણ તપાસ
• હેલ્મેટના કાયદાનું પાલન કરે તે માટે શાળા-કોલેજો સાથે પોલીસનું સંકલન
• ગત વર્ષે અકસ્માતની ઘટનામાં 49 ટકાનો થયો છે વધારો
• મોટાભાગની અકસ્માતની ઘટનામાં હેલ્મેટનો અભાવ હોવાનો ખુલાસો

Surat : હેલ્મેટના કાયદા ચુસ્ત અમલવારી કરવા માટે હમણાં સુધી ગાંધીગીરી કરતી સુરત પોલીસ આગામી 15 ફેબ્રુઆરીથી કડકપણે કાર્યવાહી કરવા જઈ રહી છે. ટૂ-વ્હીલર વાહન ચાલકો અને પાછળ બેઠેલા લોકો ફરજિયાત પણે હેલ્મેટ પહેરી કાયદાનું ચુસ્ત પાલન કરે તે માટે 15 ફેબ્રુઆરીથી સુરત પોલીસની 40 જેટલી ટીમો મેદાને ઉતરવાની છે.

આ ઉપરાંત CCTV કેમેરા, મોબાઈલ એપ્લિકેશન સહિતની વ્યવસ્થાઓનો ઉપયોગ કરી હેલ્મેટના કાયદાનું ભંગ કરનારા વાહન ચાલકો સામે કડક કાર્યવાહી કરવા માટેની તૈયારી સુરત પોલીસ દ્વારા કરી લેવામાં આવી છે. આ સિવાય શહેરની શાળા કોલેજોમાં અભ્યાસ અર્થે આવતા વિદ્યાર્થીઓ પણ ફરજિયાત પણે હેલ્મેટ પહેરી કાયદાનું પાલન કરે તે માટે સુરત પોલીસ દ્વારા શાળા કોલેજો જોડે પણ સંકલન કરવામાં આવ્યું છે.