Surat Textile Market Fire: શ્યામ સંગીની ટેક્સટાઇલ માર્કેટમાં ભીષણ આગ, 'મેજર કોલ' જાહેર, જુઓ Video

Surat Textile Market Fire:  સુરતની શ્યામ સંગીની ટેક્સટાઇલ માર્કેટના છઠ્ઠા ફ્લોર પર રાત્રિના 1 વાગ્યાની આસપાસ ભીષણ આગ ફાટી નીકળતા આખેઆખી માર્કેટ આગની જ્વાળાઓમાં લપેટાઈ ગઈ છે, જેને પગલે સુરત ફાયર વિભાગ દ્વારા 'મેજર કોલ' જાહેર કરવામાં આવ્યો છે. છેલ્લા 6 કલાકથી વધુ સમય વીતી જવા છતાં આગ હજુ પણ બેકાબુ રહી છે અને 15થી વધુ ફાયર ગાડીઓ સહિતનો કાફલો આગ પર કાબુ મેળવવાના અથાગ પ્રયાસો કરી રહ્યો છે. આ ભીષણ આગની ઝપેટમાં માર્કેટમાં રહેલો કાપડનો મોટો જથ્થો આવી ગયો છે અને અંદાજે 250થી વધુ દુકાનો ધરાવતી આ માર્કેટને કરોડો રૂપિયાનું નુકસાન થવાની ભીતિ સેવાઈ રહી છે, જોકે રાહતની વાત એ છે કે આ દુર્ઘટનામાં હજુ સુધી કોઈ જાનહાનિના અહેવાલ પ્રાપ્ત થયા નથી. જુઓ વીડિયો...