પોલીસ હંમેશા મોડી હોય તે મેણું ભાંગ્યું, લૂંટ થાય તે પહેલા જ ઝડપી લીધા આરોપી

યાત્રાધામ બહુચરાજી માં એક જવેલર્સ ની દુકાનમાં ધોળાદહાડે લૂંટ ના ઇરાદે આવેલ લૂંટારું ગેંગને  પોલીસે દબોચી લઈ લૂંટ પહેલા જ સરાહનીય કામગીરી કરી બતાવી છે. મહેસાણા જિલ્લા માં છેલ્લા ઘણાં સમય થી ચોરી ની ઘટનાઓમાં નોંધપાત્ર વધારો થયો છે તો લૂંટ ની ઘટનાઓ પણ બની રહી છે ત્યારે મહેસાણા જિલ્લા ના યાત્રાધામ બહુચરાજીમાં આસ્થા જવેલર્સ માં લૂંટ કરવા આવેલી લૂંટારું ટોળકી ઝડપાઇ ગઈ છે.

ગાંધીનગર CID ક્રાઈમમાં ફરજ બજાવતા વાય.કે.ઝાલાને ખાનગી બાતમી મળતા તેમને સ્થાનિક પોલીસની મદદ થી બહુચરાજીમાં આવેલા આસ્થા જવેલર્સ આગળ વોચ ગોઠવી હથિયારો સાથે આવેલા ત્રણ લૂંટારુંને ઝડપી પાડવા માં સફળતા મળી છે. પ્રાણ ઘાતક હથિયારો સાથે આવેલા ત્રણ લૂંટારું ઝડપાતા નકલી પિસ્તોલ ઝડપાઇ છે. જેના પગલે CID ક્રાઈમ PSIની ફરીયાદ આધારે ત્રણે લૂંટારું વિરુદ્ધ બહુચરાજી પોલીસ સ્ટેશનમાં લૂંટ, કાવતરું અને આર્મ્સ એક્ટ હેઠળ પોલીસ ફરીયાદ નોંધી વધુ તપાસ હાથ ધરવા માં આવી છે.

આ પણ વાંચો - વેપારીના પુત્રનું અપહરણ કરી ખૂન કરવાની ધમકી આપનારા ઝડપાયા, આ કારણે ઘડ્યો હતો પ્લાન