રાજ ઠાકરેએ જણાવ્યું કેમ રદ્દ કરી અયોધ્યા યાત્રા ? PM મોદીને કરી ખાસ અપીલ

મહારાષ્ટ્ર નવનિર્માણ
સેનાના વડા રાજ ઠાકરેએ રવિવારે વડા પ્રધાન નરેન્દ્ર મોદીને એક સમાન નાગરિક સંહિતા
અને વસ્તી નિયંત્રણ પર વહેલામાં વહેલી તકે કાયદો લાવવા વિનંતી કરી હતી. તેમની
અયોધ્યા યાત્રા રદ કર્યા પછી આયોજિત પુણેમાં એક રેલીમાં રાજ ઠાકરેએ કહ્યું કે
ઔરંગાબાદનું નામ બદલીને શંબાજીનગર કરવું જોઈએ. તેમની અયોધ્યા મુલાકાત વિશે વાત
કરતા રાજ ઠાકરેએ કહ્યું કે તેમના માટે લાઉડસ્પીકરનો વિરોધ પસંદ ન કરનારાઓએ તેમના
માટે જાળ બિછાવી હતી. રાજ ઠાકરેએ કહ્યું, પરંતુ
હું આ જાળમાં ફસાતો નથી કારણ કે હું નહોતો ઈચ્છતો કે મારા MNS
કાર્યકર્તાઓ
જેલમાં જાય. ઠાકરેએ કહ્યું,
મેં
બે દિવસ પહેલા મારી અયોધ્યા યાત્રા સ્થગિત કરવા અંગે ટ્વિટ કર્યું હતું. મેં આ
નિવેદન જાણી જોઈને આપ્યું છે જેથી દરેકને પ્રતિક્રિયા કરવાની તક મળે. જે લોકો મારી
અયોધ્યા મુલાકાતના વિરોધમાં હતા તેઓ મને ફસાવવાનો પ્રયાસ કરી રહ્યા હતા. મેં આ
વિવાદમાં ન પડવાનું નક્કી કર્યું.

https://twitter.com/ANI/status/1528264011598667776?ref_src=twsrc%5Etfw%7Ctwcamp%5Etweetembed%7Ctwterm%5E1528264364364791808%7Ctwgr%5E%7Ctwcon%5Es2_&ref_url=https%3A%2F%2Fwww.livehindustan.com%2Fmaharashtra%2Fstory-why-was-ayodhya-yatra-cancelled-raj-thackeray-said-also-appealed-to-pm-modi-to-bring-population-control-law-6525891.html

આ સિવાય MNS
ચીફ
રાજ ઠાકરેએ વડાપ્રધાન નરેન્દ્ર મોદીને દેશમાં જલ્દી સમાન નાગરિક સંહિતા લાગુ
કરવાની અપીલ કરી હતી. તેમણે કહ્યું, હું
વડા પ્રધાનને વિનંતી કરું છું કે વહેલામાં વહેલી તકે સમાન નાગરિક સંહિતા લાવે,
વસ્તી
નિયંત્રણ પર કાયદો લાવે અને ઔરંગાબાદનું નામ બદલીને સંભાજીનગર કરે. જ્યારે મેં
મારા કાર્યકરોને લાઉડસ્પીકર પર હનુમાન ચાલીસા વગાડવાનું કહ્યું,
ત્યારે
રાણા દંપતી (રવિ અને નવનીત રાણા)એ કહ્યું કે તેઓ માતોશ્રીમાં હનુમાન ચાલીસાનો પાઠ
કરશે. શું માતોશ્રી મસ્જિદ છે ? શિવસૈનિકો અને રાણા
દંપતી વચ્ચે પાછળથી શું થયું તે બધા જાણે છે.