કોણ છે આ ત્રણ Students..? જેમણે બાંગ્લાદેશમાંથી હસીનાને ભગાડ્યા...

• નાહીદ ઇસ્લામ, આસિફ મહમૂદ અને અબુ બકર મજુમદારે આગેવાની લીધી
• ત્રણેય પર ભારે અત્યાચાર ગુજારાયો
• ત્રણેય વિદ્યાર્થી ઢાકા વિશ્વવિદ્યાલયમાં અભ્યાસ કરે છે

Students : બાંગ્લાદેશમાં છેલ્લા એક મહિનાથી Students નું અનામત વિરુદ્ધ આંદોલન ચાલી રહ્યું હતું. જ્યારે શેખ હસીનાની સરકારે આ ચળવળ સામે કડક પગલાં લીધા ત્યારે તે તેમને સત્તા પરથી હટાવવાના આંદોલનમાં ફેરવાઈ ગયું. અંતે સ્થિતિ એટલી બગડી કે 4 ઓગસ્ટે શેખ હસીનાએ પીએમ પદ પરથી રાજીનામું આપી દીધું અને દેશ છોડીને ભાગી ગયા. હાલમાં તે ભારતમાં છે અને અહીંથી તે બ્રિટન, ફિનલેન્ડ જેવા દેશમાં જવાનું વિચારી રહ્યા છે. દરમિયાન, દરેક વ્યક્તિ એ પણ જાણવા માંગે છે કે આટલું મોટું આંદોલન અચાનક કેવી રીતે ઉભું થયું અને તેની પાછળ કોણ હતું.

ત્રણેય વિદ્યાર્થીઓ ઢાકા વિશ્વવિદ્યાલયમાં અભ્યાસ કરે છે

જવાબ ત્રણ વિદ્યાર્થીઓ છે - નાહીદ ઇસ્લામ, આસિફ મહમૂદ અને અબુ બકર મજુમદાર. ત્રણેય વિદ્યાર્થીઓ ઢાકા વિશ્વવિદ્યાલયમાં અભ્યાસ કરે છે અને અનામત વિરુદ્ધ આંદોલનના આગેવાનો હતા. એક સમાચાર મુજબ ત્રણેયનું 19 જુલાઈના રોજ અપહરણ કરવામાં આવ્યું હતું. આ પછી તેમની આકરી પૂછપરછ કરવામાં આવી અને તેમને હેરાન પણ કરવામાં આવ્યા હતા. ત્યારબાદ 26 જુલાઈએ તેમને છોડી દેવાયા.ત્યાર પછી આ લોકોએ ફરી આંદોલનને આગળ વધાર્યું અને લગભગ 10 દિવસમાં બળવો થયો. હવે કમાન સેનાના હાથમાં છે. વચગાળાની સરકાર બનાવવાની પ્રક્રિયા ચાલી રહી છે, જેમાં આ ત્રણ વિદ્યાર્થી નેતાઓની પણ મહત્વની ભૂમિકા છે.

આ પણ વાંચો----Plane : ...આજે અચાનક શેખ હસીનાનું વિમાન કઇ તરફ ઉડ્યું....?

કોણ છે નાહિદ ઇસ્લામ, જે આંદોલનનો ચહેરો બની ગયો છે?

ત્રણેયએ આજે ​​એક વિડીયો જાહેર કર્યો અને જાહેરાત કરી કે વચગાળાની સરકારના વડા ડો. યુનુસ હશે, જેઓ નોબેલ વિજેતા અર્થશાસ્ત્રી છે. ચળવળનો સૌથી મોટો ચહેરો નાહિદ ઇસ્લામ વિશે વાત કરીએ તો, તે ઢાકા યુનિવર્સિટીમાં સમાજશાસ્ત્રનો વિદ્યાર્થી છે. તેઓ સ્ટુડન્ટ્સ અગેઈન્સ્ટ ડિસ્ક્રિમિનેશન મુવમેન્ટ નામની ચળવળના નેતા છે. SADMના બેનર હેઠળ વિદ્યાર્થીઓએ માંગ કરી હતી કે બાંગ્લાદેશમાં ક્વોટા સિસ્ટમમાં ફેરફાર કરવામાં આવે. આ અંતર્ગત બાંગ્લાદેશ મુક્તિ યુદ્ધમાં ભાગ લેનારા લોકોના પરિવારોને 30 ટકા આરક્ષણ આપવામાં આવે છે.

બાંગ્લાદેશમાં કેટલું અનામત છે

બાંગ્લાદેશમાં પ્રથમ અને બીજા વર્ગની નોકરીઓમાં કુલ 56 ટકા આરક્ષણ ઉપલબ્ધ છે. આ સિસ્ટમ ભેદભાવપૂર્ણ હોવાનું કહેવાય છે અને તેનો ઉપયોગ રાજકીય લાભ માટે થાય છે. નાહીદ ઈસ્લામના અન્ય સહયોગી આસિફ મહમૂદ ઢાકા યુનિવર્સિટીમાં ફિલોલોજીના વિદ્યાર્થી છે. અબુ બકર મજુમદાર પણ ઢાકા યુનિવર્સિટીમાંથી અભ્યાસ કરી રહ્યા છે. તે ભૂગોળનો વિદ્યાર્થી છે અને બાંગ્લાદેશનો ઈતિહાસ બદલવામાં વ્યસ્ત છે. ચળવળમાં ભાગ લેવા બદલ અબુ બકરનું પણ અપહરણ કરવામાં આવ્યું હતું અને તેને ત્રાસ આપવામાં આવ્યો હતો. અત્રે ઉલ્લેખનીય છે કે આ ત્રણેય વિદ્યાર્થી નેતાઓની ઉંમર 25 વર્ષની આસપાસ છે.

આ પણ વાંચો----પિતા સહિત ફેમિલીના 17 સભ્યોની હત્યા અને Sheikh Hasina માટે ભારત બન્યું..