આજે શ્રીલંકા અને બાંગ્લાદેશ વચ્ચે કરો યા મરોનો મુકાબલો, જીત આપશે સુપર-4ની ટિકિટ

એશિયા કપ 2022ના ગ્રુપ સ્ટેજની મેચો 2 સપ્ટેમ્બરે પૂર્ણ થશે. શ્રીલંકા અને બાંગ્લાદેશ (SL vs BAN) વચ્ચે એશિયા કપ, 2022 ટૂર્નામેન્ટની પાંચમી મેચ 1 સપ્ટેમ્બરના રોજ દુબઈ ઈન્ટરનેશનલ ક્રિકેટ સ્ટેડિયમ, દુબઈ, સંયુક્ત આરબ અમીરાત ખાતે રમાશે. આ મેચ સાંજે 07:30 PM (IST) લાઈવ ટેલિકાસ્ટથી શરૂ થશે.

દુબઈમાં આયોજિત આ ટૂર્નામેન્ટમાં કુલ 6 ટીમો રમી રહી છે, જ્યારે ગુરુવાર, 1 સપ્ટેમ્બરના રોજ શ્રીલંકા અને બાંગ્લાદેશ (SL vs BAN) વચ્ચે કરો અથવા મરો મેચ રમાશે. ઉપરાંત, આ મેચમાં જે પણ ટીમ હારે છે તે સીધી ટૂર્નામેન્ટમાંથી બહાર થઈ જશે, આ પહેલા બંને ટીમો પોતાની પ્રથમ મેચ અફઘાનિસ્તાન સામે હારી ચૂકી છે. તેથી હવે બંને ટીમો સુપર 4 માટે ટકરાશે અને બંને પાસે માત્ર આ એક જ તક છે. દાસુન શનાકાના નેતૃત્વમાં શ્રીલંકાની ટીમ કોઈપણ ભોગે જીતવા ઈચ્છશે. 

બીજી તરફ બાંગ્લાદેશના સિનિયર ખેલાડીઓએ આ વખતે કોઈપણ ભોગે પ્રદર્શન કરવું પડશે. જ્યારે બાંગ્લાદેશ ટીમના સિનિયર ખેલાડીઓ જેમ કે શાકિબ અલ હસન, મુશફિકુર રહીમ અને મહમુદુલ્લાહ અફઘાન ટીમ સામે નિષ્ફળ રહ્યા હતા. જણાવી દઈએ કે, શ્રીલંકાને અફઘાનિસ્તાન સામે 8 વિકેટે હારનો સામનો કરવો પડ્યો હતો. જ્યારે બાંગ્લાદેશને અફઘાન ટીમે 7 વિકેટે પરાજય આપ્યો હતો. અફઘાનિસ્તાનના બોલરોએ શાનદાર પ્રદર્શન કર્યું અને બંને ટીમોને મુશ્કેલીમાં મુકી દીધા. જોકે, બંને ટીમોમાં કોઈ ફેરફાર થવાની શક્યતા ઓછી જ છે.

આ પણ વાંચો - સૂર્યાના તોફાન સામે હોંગકોંગના બોલરો ઘૂંટણિયે, ટીમ ઈન્ડિયાને મળ્યો 360 ડિગ્રી બેટ્સમેન, Video