ગુજરાતના અસમાન વિકાસની તસવીર બતાવતા બે કિસ્સાઓ, દરિયોચીરીને સગર્ભા સુધી પહોંચેલી 108 દેખાઈ પણ......

ગુજરાતના (Gujarat) અસમાન વિકાસની તસવીરો બતાવતા બે કિસ્સાઓ છેલ્લા 15 દિવસ દરમિયાન સામે આવી. જેમાંથી એક ઘટનામાં મંત્રીઓને ના દેખાઈ તો બીજી ઘટનામાં યશનો લાડવો લેવા રાજ્ય સરકારના અનેક મંત્રીઓએ ટ્વીટની (Tweet) હારમાળા સર્જી.

વાત એવી છે કે, એક દિવસ પૂર્વ દેવભૂમિ દ્વારકા (Devbhumi Dwarka) જિલ્લાના બેટ દ્વારકા ટાપુ પર રહેતી સગર્ભા મહિલાની 108 બોટની ટીમ દ્વારા બોટમાં જ પ્રસૂતિ કરાવી માતા અને બાળકનો જીવ બચાવ્યો હતો. સારી બાબત કહેવાય કે આપણી 108 બોટ એમ્બ્યુલન્સ (108 Boat Ambulance) સેવા મધદરિયે આવેલી મેડિકલ ઈમર્જન્સીમાં દેવદૂત બની કામ આવી રહી છે. દેવભૂમિ દ્વારકા જિલ્લાની આ ઘટના બાદ રાજ્ય સરકારના અનેક મંત્રીઓેએ ટ્વીટ કરીને 108ની કામગીરીની સરાહના કરી જશ મેળવવાનો પ્રયાસ કર્યો.

પરંતુ આશરે 15 દિવસ પૂર્વે છોટાઉદેપુર જિલ્લાના નસવાડી તાલુકાના કુકરદા ગામે એક મહિલાને પ્રસુતી પીડા શરૂ થતાં સરકારી દવાખાને લઈ જવાની તૈયારી કરાઈ જેમાં 108ને કોલ કરતા 108 આવી પરંતુ કુકરદા બસ સ્ટેન્ડ પર આવી કારણ કે કાચા રસ્તા હોય 108 અંદર આવે તેમ નહોતી. જેથી સગર્ભા બહેનને તેના પરિવારજનો ઝોળીમાં નાખી એક કિલોમીટર કાચા રસ્તે પગપાળા ઉંચકીને બહાર લાવ્યા. જ્યાંથી ખાનગી વાહનમાં 2 કીમી બહાર લાવ્યા અને 108ને સગર્ભાને સોંપી 108 નીકળી અને અડધા રસ્તે પોંહચતા રસ્તામાં જ 108ની અંદર સગર્ભાને પ્રસુતી થઈ હતી. કુકરદા ગામના લોકો પાકા રસ્તાથી વંચિત છે ગામલોકોની અનેક રજુઆતો છતાં  ગ્રામજનોની રજુઆત ધ્યાન પર લેવાઈ નથી.

એક તરફ આપણે બોટ એમ્બ્યુલન્સ અને એર એમ્બ્યુલન્સની વાતો કરીએ છીએ અને આ સુવિધા ખુબ સારી પણ છે પરંતુ વાસ્તવિકતા એ છે કે હજુ આપણે નાના ગામડાંઓને જોડતા માર્ગો સારા બનાવી શક્યા નથી અને આવી બાબતો મંત્રીઓને દેખાતી પણ નથી.

આ પણ વાંચો - રાજકોટમાં બાઈક પર જોખમી સ્ટંટ, હાથમાં રિવોલ્વર તેમજ દારૂનાં ગ્લાસ સાથેનાં જુદા-જુદા ત્રણ વીડિયોએ પોલીસને દોડતી કરી