ઉપરાષ્ટ્રપતિ પદની ચૂંટણીમાં BSP કોને આપશે સમર્થન? માયાવતીએ ટ્વીટ કરી કર્યો ખુલાસો

બહુજન સમાજવાદી પાર્ટીના સુપ્રીમો માયાવતીએ બુધવારે NDAના ઉપાધ્યક્ષ ઉમેદવાર જગદીપ ધનખરને સમર્થન જાહેર કર્યું છે. બીએસપી પ્રમુખે પોતે ટ્વીટ કરીને આ જાણકારી આપી હતી. માયાવતીએ કહ્યું કે, એ વાત સર્વવિદિત છે કે દેશના સર્વોચ્ચ પદ રાષ્ટ્રપતિ પદની ચૂંટણીમાં સરકાર અને વિપક્ષ વચ્ચેની સર્વસંમતિના અભાવના કારણે આખરે રાષ્ટ્રપતિની ચૂંટણી થઇ હતી. માયાવતીએ વધુમાં કહ્યું કે, "જાહેર હિત અને તેમના પોતાના આંદોલનને ધ્યાનમાં રાખીને, BSPએ ઉપપ્રમુખની ચૂંટણીમાં જગદીપ ધનખરને સમર્થન આપવાનું નક્કી કર્યું છે, જેની હું આજે ઔપચારિક રીતે જાહેરાત કરી રહી છું."  

જગદીપ ધનખર સામે વિપક્ષે પૂર્વ કેન્દ્રીય મંત્રી માર્ગારેટ આલ્વાને ઉપરાષ્ટ્રપતિ પદના ઉમેદવાર તરીકે ઉતાર્યા છે. ઉપરાષ્ટ્રપતિ અને રાજ્યસભાના હોદ્દેદાર અધ્યક્ષ તરીકે ધનખરનું ચૂંટાઇને આવવું લગભગ નિશ્ચિત છે કારણ કે લોકસભા અને રાજ્યસભાની ચૂંટણીમાં ભાજપ બહુમતીમાં છે. માયાવતીએ અગાઉ રાષ્ટ્રપતિની ચૂંટણીમાં દ્રૌપદી મુર્મૂને ટેકો આપ્યો હતો, આરોપ લગાવ્યો હતો કે વિપક્ષે યશવંત સિંહાને તેના ઉમેદવાર તરીકે પસંદ કરતી વખતે તેમના પક્ષની અવગણના કરી હતી. તેમણે ભારપૂર્વક જણાવ્યું હતું કે, મુર્મૂને ટેકો આપવાનો તેમનો નિર્ણય રાજકીય રીતે તટસ્થ હતો અને ભાજપ કે NDAને સમર્થન આપ્યું ન હતું.

તેમણે પત્રકાર પરિષદમાં કહ્યું કે, અમે રાષ્ટ્રપતિની ચૂંટણી માટે NDA ઉમેદવાર દ્રૌપદી મુર્મૂને સમર્થન આપવાનો નિર્ણય કર્યો છે અને આ નિર્ણય અમારી પાર્ટી અને આંદોલનને ધ્યાનમાં રાખીને લેવામાં આવ્યો છે. આ નિર્ણય ન તો બીજેપી કે એનડીએના સમર્થનમાં છે કે ન તો વિરોધમાં. તેમણે પુનરોચ્ચાર કર્યો કે નિર્ણય તેમની "પાર્ટી અને ચળવળ" પર આધારિત છે.