ઉનાળાની શરૂઆતથી જ રાજ્યમાં ગરમી વધી, આગામી દિવસોમાં હિટવેવની સંભાવના

માર્ચ મહિનાની શરૂઆતથી જ સૌરાષ્ટ્રમાં હિટવેવની અસર જોવા મળી રહી છે. ઉનાળાની શરૂઆતથી જ આકાશમાંથી આગ વરસી રહી છે. આજે શનિવારના રોજ રાજકોટ, પોરબંદર અને અન્ય સ્થળોએ હીટ વેવની સંભાવના છે. સૌરાષ્ટ્ર, કચ્છ, પોરબંદર, ગીર સોમનાથ, દીવ અને કચ્છના વિવિધ ભાગોમાં હીટ વેવની સ્થિતિ ખૂબ જ સંભવ છે. હાલમાં ગુજરાતમાં હોળી પહેલા જ ગરમી પડી રહી છે. ગુજરાતમાં ઉનાળાનો પ્રથમ તબક્કો શરૂ થઈ ગયો છે. હવામાન વિભાગના જણાવ્યા અનુસાર માર્ચમાં તાપમાન 40 ડિગ્રી સેલ્સિયસને પાર કરી જશે. આ વખતે ગુજરાતીઓએ માર્ચથી હિટવેવનો સામનો કરવો પડશે. હવામાન વિભાગના જણાવ્યા અનુસાર હાલ આંશિક ગરમી અનુભવાઈ રહી હોવા છતા આગામી સપ્તાહ બાદ ગરમીનું પ્રમાણ વધશે. 10 થી 16 માર્ચ વચ્ચે અચાનક ગરમી વધી જશે. લોકોને પણ 40 ડિગ્રી ગરમીનો અનુભવ થશે. નોંધનીય છે કે તાજેતરમાં ગુજરાતના વાતાવરણમાં પલટો આવ્યો હતો. રાજ્યના ઘણા શહેરોમાં વાદળછાયું વાતાવરણ હતું અને કેટલાક સ્થળોએ કમોસમી વરસાદ થયો હતો.