Donald Trump ના નામ અને લૂક સાથેના 700 કિલોના પ્રાણીનો જલવો !
- Donald Trump નામનું પ્રાણી સોશિયલ મીડિયામાં વાયરલ
- 700 કિલો વજન ધરાવતો પાડાની ગજબ હેર સ્ટાઇલ
- બીજા વાયરલ પાડાનું નામ રાખ્યું 'બેન્જામિન નેતન્યાહૂ'
Donald Trump : બાંગ્લાદેશમાં બકરી ઈદ પહેલા, બે પાડા સોશિયલ મીડિયા પર હેડલાઇન્સ બનાવી રહ્યા છે. તેમની ચર્ચાનું કારણ તેમના વિચિત્ર નામો છે. આમાંથી એકનું નામ 'ડોનાલ્ડ ટ્રમ્પ' છે (Donald Trump - Buffalo), જે ખૂબ જ પ્રખ્યાત થયું છે. મીડિયા અહેવાલ મુજબ, આ એક આલ્બિનો એટલે કે સફેદ રંગનો પાડો છે, જેનું વજન લગભગ 700 કિલો છે. તે નારાયણગંજના પાઈકપારા વિસ્તારમાં એક ખેતરમાં આવેલું છે. તેના માથા પર સોનેરી વાળ છે, જેને જોઈને સોશિયલ મીડિયા પર લોકો કહી રહ્યા છે કે, તે બિલકુલ અમેરિકન રાષ્ટ્રપતિ જેવો દેખાય છે.
Donald Trump, ખલેલ ના પહોંચે ત્યાં સુધી હુમલો નહીં
ખેતરના માલિક ઝિયાઉદ્દીન મૃદાએ જણાવ્યું કે, તેમણે તેને 10 મહિના પહેલા રાજશાહીના એક પશુ બજારમાંથી આ ખરીદ્યું હતું. તેમણે કહ્યું, "તેના વાળ જોઈને, મારા નાના ભાઈએ મજાકમાં તેનું નામ ડોનાલ્ડ ટ્રમ્પ રાખ્યું હતું." ઝિયાઉદ્દીને એમ પણ કહ્યું, "તે ખૂબ જ શાંત છે. આલ્બિનો પાડા સામાન્ય રીતે શાંત હોય છે અને જ્યાં સુધી ખલેલ ન પહોંચે ત્યાં સુધી હુમલો કરતી નથી." તેમણે એ પણ સ્પષ્ટતા કરી કે આ પાડો વેચાઈ ચૂક્યો છે.
The Buffalo named "Donald Trump" in Bangladesh really look alike Mr.President pic.twitter.com/s0JdZVt7UF
— Cool (@InterntClips) May 17, 2026
આ પણ વાંચો - AI Pigeon Defense : કબૂતરો ભગાડવાનું કામ પણ હવે ટેક્નોલોજી કરશે !
Donald Trump, શરીરે સ્વસ્થ અને તંદુરસ્ત
એક મહિલાએ સ્થાનિક અખબારને જણાવ્યું કે, ફેસબુક પર ફોટા જોયા પછી તેણે મુલાકાત લેવાનું નક્કી કર્યું હતું. તેમણે કહ્યું, "તેનો ચહેરો અને હેરસ્ટાઇલ બિલકુલ ટ્રમ્પ જેવી છે. પરંતુ સૌથી મોટો ફરક એ છે કે, આ પાડો ખૂબ જ શાંત અને સૌમ્ય છે." લોકોએ સ્થાનિક મીડિયાને કહ્યું કે, તે ખરેખર ટ્રમ્પ જેવો દેખાતો હતો. દક્ષિણ એશિયામાં આલ્બિનો પાડો ભાગ્યે જ જોવા મળે છે. મકાઈ, સોયાબીન અને ભૂસા જેવા પૌષ્ટિક ખોરાકને કારણે તેનું શરીર ખૂબ મોટું અને સ્વસ્થ છે.
નેતન્યાહૂ એદકમ સક્રીય અને તોફાની
આ કહાની ફક્ત 'ટ્રમ્પ' થી સમાપ્ત થતી નથી. આ જ ખેતરમાં બીજો એક પાડો છે, જેનું વજન 750 કિલોથી વધુ છે, અને તે પણ લોકોનું ધ્યાન ખેંચી રહી છે. તેનું નામ 'બેન્જામિન નેતન્યાહૂ' (Benjamin Netanyahu - Buffalo) રાખવામાં આવ્યું છે. ખેતરમાં કામ કરતા લોકો કહે છે કે, આ પાડો ખૂબ જ સક્રિય અને
તોફાની છે.
આ પણ વાંચો - King Cobra In Commode : વોશરૂમમાં જતા જ પ્રવાસીને ધ્રાસકો પડ્યો !