નદીમાં આરામ કરી રહ્યો હતો બાળક, ત્યારે દેખાયો મગર

વાયરલ વીડિયોમાં જોવા મળે છે કે એક બાળક નદી (River)માં એક નાની હોડી (Boat) પાસે તરતા બોર્ડ પર ખૂબ જ શાંતિથી આરામ કરી રહ્યો હતો. આસપાસનું વાતાવરણ સંપૂર્ણ શાંત હતું. પરંતુ થોડા જ સમયમાં પાણીમાં હલચલ શરૂ થાય છે અને એક વિશાળ મગર ધીમે-ધીમે બાળક તરફ આગળ વધતો જોવા મળે છે. આ દૃશ્ય જોઈને કોઈપણ વ્યક્તિ ગભરાઈ જાય, પરંતુ બાળકની પ્રતિક્રિયાએ સૌને ચોંકાવી દીધા.

બાળકની નિર્ભયતા જોઈ લોકો પણ રહી ગયા દંગ

જેવો મગર બાળકની નજીક પહોંચ્યો, ત્યારે બાળક સહેજ પણ ડર્યો નહીં. ભાગવાનો કે ગભરાવાનો પ્રયાસ કરવાની જગ્યાએ તેણે મગરને પ્રેમથી પકડી લીધો અને પોતાની બાજુમાં સુવડાવ્યો. એટલું જ નહીં, બાળક મગરને એવી રીતે લાડ કરતો જોવા મળે છે જાણે તે તેનો નાનો ભાઈ અથવા પાલતુ પ્રાણી હોય. બાળકની આ નિર્ભયતા (Fearless Act) અને શાંતિપૂર્ણ વર્તને સોશિયલ મીડિયા યુઝર્સને આશ્ચર્યમાં મૂકી દીધા છે.

સોશિયલ મીડિયા પર લોકો આપી રહ્યા છે અલગ-અલગ પ્રતિક્રિયાઓ

આ વીડિયો વિવિધ સોશિયલ મીડિયા પ્લેટફોર્મ પર ઝડપથી શેર થઈ રહ્યો છે અને લાખો લોકો તેને જોઈ રહ્યા છે. વીડિયો પર અનેક રસપ્રદ ટિપ્પણીઓ પણ જોવા મળી રહી છે. એક યુઝરે લખ્યું કે, "મગર તો મૃત્યુ બનીને આવ્યો હતો, પરંતુ બાળકની હિંમત જોઈને શાંત થઈ ગયો." જ્યારે અન્ય એક યુઝરે મજાકમાં લખ્યું કે, "આજે તો મગરે પણ બાળકની બહાદુરી સામે શરણાગતિ સ્વીકારી લીધી."

 

View this post on Instagram

 

A post shared by LifeMomentsMix (@lifemomentsmix)

જોકે, વીડિયોની સત્યતા (Authenticity) અથવા તે ક્યાં અને ક્યારનો છે તેની સત્તાવાર પુષ્ટિ થઈ નથી. તેમ છતાં બાળક અને મગર વચ્ચેનો આ અનોખો દૃશ્ય સોશિયલ મીડિયા પર ભારે ચર્ચાનો વિષય બન્યો છે અને લોકો આશ્ચર્ય સાથે આ વીડિયો શેર કરી રહ્યા છે.

આ પણ વાંચો : Velella Velella : બ્રિટનના દરિયાકિનારે અચાનક ઉતર્યા 'એલિયન' જેવા વદળી જીવો! જાણો શું છે આ રહસ્યમય મહેમાનોનું સત્ય