લેન્ડિંગ બાદ ઓવરહેડ લગેજ કમ્પાર્ટમેન્ટમાં લાગી આગ
24 જુલાઈના રોજ બનેલી આ ઘટના ફ્લાઇટ (Flight) લેન્ડિંગ થયા બાદ બની હતી. મુસાફરો પોતાનો સામાન લેવા માટે ઓવરહેડ લગેજ કમ્પાર્ટમેન્ટ (Overhead Luggage Compartment) ખોલી રહ્યા હતા ત્યારે અચાનક અંદરથી આગ અને ધુમાડો નીકળવા લાગ્યો. વીડિયોમાં સ્પષ્ટ જોવા મળે છે કે પાવર બેંકમાં આગ લાગતા સમગ્ર કેબિનમાં અફરાતફરીનો માહોલ સર્જાયો હતો. જોકે, ફ્લાઇટ ક્રૂ (Cabin Crew) અને મુસાફરોની સમયસરની સતર્કતાના કારણે આગ પર ઝડપથી કાબૂ મેળવી લેવામાં આવ્યો, જેના કારણે મોટી દુર્ઘટના ટળી ગઈ.
પાવર બેંકમાં આગ કેમ લાગે છે?
નિષ્ણાતોના જણાવ્યા અનુસાર આવી ઘટનાઓ પાછળનું મુખ્ય કારણ થર્મલ રનઅવે (Thermal Runaway) છે. લિથિયમ-આયર્ન બેટરી (Lithium-ion Battery)માં થતી આ રાસાયણિક પ્રક્રિયા દરમિયાન બેટરી અચાનક ખૂબ ગરમ થઈ જાય છે, જેના કારણે તેમાં આગ લાગવાની અથવા વિસ્ફોટ (Explosion) થવાની શક્યતા વધી જાય છે. જો બેટરીને નુકસાન થયું હોય, શોર્ટ સર્કિટ (Short Circuit) સર્જાયો હોય અથવા વધુ ગરમીનો પ્રભાવ પડ્યો હોય તો આ જોખમ અનેકગણું વધી શકે છે.
ફ્લાઇટમાં પાવર બેંક અંગેના મહત્વપૂર્ણ નિયમો
મોટાભાગની એરલાઇન્સ (Airlines)ના નિયમો અનુસાર પાવર બેંક અને વધારાની લિથિયમ-આયર્ન બેટરી માત્ર કેબિન બેગ (Cabin Bag)માં જ રાખવી જોઈએ. તેને ચેક-ઇન લગેજ (Checked-in Baggage)માં રાખવાની મંજૂરી નથી, કારણ કે કેબિનમાં કોઈ સમસ્યા સર્જાય તો તરત જ કાર્યવાહી કરી શકાય છે. ઉપરાંત, સોજો આવી ગયેલી, જૂની અથવા ક્ષતિગ્રસ્ત (Damaged) બેટરી સાથે મુસાફરી કરવાની પણ મનાઈ છે.
હવાઈ મુસાફરી દરમિયાન આ વસ્તુઓ લઈ જવાની મનાઈ
ફ્લાઇટમાં સલામતીને ધ્યાનમાં રાખીને અનેક વસ્તુઓ પર પ્રતિબંધ (Restricted Items) મૂકવામાં આવ્યો છે. વિસ્ફોટક (Explosives) અને જ્વલનશીલ (Flammable) વસ્તુઓ જેમ કે ફટાકડા, પેટ્રોલ, ડીઝલ, પેઇન્ટ થિનર અને અન્ય જ્વલનશીલ પ્રવાહી લઈ જવાની મંજૂરી નથી. ઉપરાંત એસિડ (Acid), બ્લીચ (Bleach) અને અન્ય ઝેરી અથવા કાટ લાગતા રસાયણો (Hazardous Chemicals) પણ પ્રતિબંધિત છે.
કેબિન બેગમાં છરી (Knife), રેઝર બ્લેડ (Razor Blade), બોક્સ કટર (Box Cutter), હથોડી (Hammer) અને મોટા સ્ક્રુડ્રાઇવર (Screwdriver) જેવી તીક્ષ્ણ વસ્તુઓ લઈ જઈ શકાતી નથી. રમતગમત (Sports) સાથે સંબંધિત ક્રિકેટ બેટ (Cricket Bat), હોકી સ્ટિક (Hockey Stick) અને ગોલ્ફ ક્લબ (Golf Club) જેવી વસ્તુઓ પણ કેબિનમાં લઈ જવાની મંજૂરી નથી અને તેને ચેક-ઇન બેગમાં જ મૂકવી પડે છે.
તે સિવાય પ્રવાહી (Liquids) સંબંધિત નિયમોનું પણ પાલન કરવું જરૂરી છે. શેમ્પૂ (Shampoo), પરફ્યુમ (Perfume), ક્રીમ (Cream), જેલ (Gel) અથવા 100 મિલીથી વધુનું કોઈપણ પ્રવાહી કેરી-ઓન બેગ (Carry-on Bag)માં લઈ જઈ શકાતું નથી. 100 મિલીથી ઓછી ક્ષમતાવાળી બોટલો પણ પારદર્શક બેગ (Transparent Bag)માં જ રાખવી ફરજિયાત છે. ચીનની આ ઘટના બાદ સ્પષ્ટ થયું છે કે હવાઈ મુસાફરી દરમિયાન પાવર બેંક સહિત તમામ સુરક્ષા નિયમોનું પાલન કરવું અત્યંત જરૂરી છે. થોડી બેદરકારી પણ મોટી દુર્ઘટનામાં ફેરવાઈ શકે છે, તેથી મુસાફરી પહેલાં એરલાઇન્સના તમામ નિયમો જાણી લેવું દરેક મુસાફર માટે અનિવાર્ય છે.
આ પણ વાંચો : Train Viral Video : ચાલતી ટ્રેનમાં દીવો પ્રગટાવી પૂજા કરતો મુસાફર ચર્ચામાં, સાથી મુસાફરોની ચેતવણી છતાં ન માન્યો
