જ્યારે મેદાનમાં ઉતરી 'ગાય ફૂટબોલર'

વાયરલ થઈ રહેલા આ વીડિયોમાં સ્પષ્ટપણે જોઈ શકાય છે કે ગાય ફૂટબોલ પાસે આવીને અડીખમ ઊભી રહી જાય છે અને કોઈ પણ છોકરાને બોલની (Ball) નજીક આવવા દેતી નથી. યુવકો બોલ છીનવી લેવા માટે ઘણી કોશિશ કરે છે, પરંતુ ગાય પોતાની જગ્યા પરથી સહેજ પણ હલતી નથી. સૌથી મજેદાર અને આશ્ચર્યજનક વાત તો એ છે કે, ગાય કોઈ પ્રોફેશનલ ખેલાડી (Professional Player) ની જેમ પોતાના પગ વડે ફૂટબોલને હળવે-હળવે ડ્રિબલ (Dribble) કરતી પણ જોવા મળે છે.

ફૂટબોલ પાછળ ગાયે લગાવી દોટ

ઘણી મહેનત કર્યા બાદ આખરે એક યુવક ગાયના પગ પાસેથી ફૂટબોલ કાઢવામાં સફળ થઈ જાય છે. જોકે, વાર્તા અહીં જ પૂરી થતી નથી. જેવો પેલો યુવક બોલને આગળની તરફ કિક (Kick) મારે છે, કે તરત જ ગાય પણ પૂરી ઝડપે બોલની પાછળ દોટ મૂકે છે. થોડા સમય સુધી મેદાનમાં ગાય અને ફૂટબોલ વચ્ચે સંતાકૂકડીનો આ ખેલ ચાલતો રહે છે અને આખરે બોલ ફરીથી ગાય પાસે જ આવી જાય છે.

યુઝર્સે આપી પ્રતિક્રિયા: 'આ તો મેસીનું ફીમેલ વર્ઝન છે'

ત્યાં ઉભેલા કોઈ વ્યક્તિએ આ સમગ્ર મજેદાર ઘટનાને પોતાના મોબાઈલ ફોનમાં (Mobile Phone) રેકોર્ડ કરી લીધી હતી, જેનો વીડિયો હવે ઈન્ટરનેટ (Internet) પર ભારે વાયરલ થઈ રહ્યો છે. X (જે અગાઉ ટ્વિટર તરીકે જાણીતું હતું) પર શેર કરવામાં આવેલા આ વીડિયોને અત્યાર સુધીમાં 1 લાખ 20 હજારથી વધુ વખત જોવામાં આવ્યો છે. કમેન્ટ સેક્શનમાં (Comment Section) લોકો ખૂબ મજા લઈ રહ્યા છે અને અવનવી પ્રતિક્રિયાઓ આપી રહ્યા છે.

पूरी दुनिया फुटबॉल मैच देखती है।..लेकिन ऐसा फुटबॉल मैच आज तक किसी ने नहीं देखा होगा। pic.twitter.com/IldAnPvf3v

— Ashok Shrivastav (@AshokShrivasta6) June 16, 2026

એક યુઝરે આશ્ચર્ય સાથે લખ્યું છે કે, "શું આ ગાય ગયા જન્મમાં ફૂટબોલર હતી?" જ્યારે અન્ય એક વ્યક્તિએ મજાકિયા અંદાજમાં કહ્યું, "આ તો દિગ્ગજ ફૂટબોલર મેસીનું ફીમેલ વર્ઝન (Female Version) છે." જોકે, કેટલાક નેટીઝન્સનું (Netizens) કહેવું છે કે આ વીડિયો થોડો જૂનો છે, પરંતુ હાલના ફિફા વર્લ્ડ કપ (FIFA World Cup) ના માહોલ વચ્ચે તે ફરી એકવાર સોશિયલ મીડિયા પ્લેટફોર્મ્સ પર છવાઈ ગયો છે.

આ પણ વાંચો : Lakhimpur Kheri Police News : 1 કરોડનું સોનું વાંદરા ચોરી ગયા અને પોલીસ જોતી રહી! UP પોલીસનો ગજબ કારનામો