Viral : ફૂડ ડિલિવરી રાઇડરની આવકનું ડેશબોર્ડ જોઇને ઉડ્યા હોશ !
- સોશિયલ મીડિયામાં ગીગ વર્કર્સની અલગ જ કહાની સામે આવી
- ઝોમેટોના રાઇડરે પ્રતિમાસ રૂ. 1 લાખની કમાણી કરી હોવાનું જણાવ્યું
- વીડિયોના કોમેન્ટ બોક્સમાં યુઝર્સે વિવિધ પ્રકારના મત વ્યક્ત કર્ય
Viral : ડિલિવરી રાઇડર્સને ઘણીવાર ઓછા પગારવાળી નોકરી માનવામાં આવે છે, પરંતુ મુંબઈ સ્થિત ઝોમેટો ડિલિવરી પાર્ટનર ઉમા શંકરની કમાણીએ આ ધારણાને સંપૂર્ણપણે બદલી નાખી છે. સોશિયલ મીડિયા પર વાયરલ થયેલા એક વીડિયોમાં દાવો કરવામાં આવ્યો છે કે, ઉમા શંકરે એક મહિનામાં રૂ.1.04 લાખ અને આખા વર્ષ 2025 માં રૂ. 10.5 લાખ કમાયા હતા. જેને સાંભળીને લોકોના હોશ ઉડી ગયા છે.
રોજ 33 જેટલા ઓર્ડર ડિલિવર કર્યા
વાયરલ વીડિયોમાં જોવા મળ્યા અનુસાર, ફોનના ડેશબોર્ડ મુજબ, ઉમા શંકરે ડિસેમ્બરમાં જ રૂ. 1.04 લાખ કમાયા હતા, તેમણે 1.013 ડિલિવરી પૂર્ણ કરી હતી, અને લગભગ 411 કલાક કામ કર્યું હતું. આનો અર્થ એ થયો કે, ઉમા શંકરે દરરોજ 13-14 કલાક કામ કર્યું, અને દરરોજ સરેરાશ 30 થી 33 ઓર્ડર ડિલિવર કર્યા હતા. આ આવક એક પણ સારા દિવસ કે, નસીબથી નહીં, પરંતુ સતત મહેનત, શિસ્ત અને દૈનિક નિષ્ઠાથી પ્રાપ્ત થઈ હતી.
View this post on Instagram
સાદગી લોકોમાં છવાઇ ગઇ
ઉમા શંકરની કમાણી ફક્ત એક મહિના સુધી મર્યાદિત નહોતી. 2025 દરમિયાન, તેમણે ડિલિવરી પાર્ટનર તરીકે રૂ. 10.50 લાખ કમાયા હોવાનું તેઓ જણાવી રહ્યા છે. જ્યારે ફરીથી પૂછવામાં આવ્યું કે, શું આ આંકડો સાચો છે, ત્યારે તેમનો જવાબ સીધો હતો: "હા, 10 લાખ રૂપિયા." તેમની સાદગી અને પ્રામાણિકતા લોકોમાં છવાઈ ગઈ છે.
આ પણ વાંચો ------- Smartphone Tips : દરરોજ ફોન રીસ્ટાર્ટ કરવાના 5 ચમત્કારિક ફાયદા
પ્રેરણા આપતો કિસ્સો
આ વીડિયોને ઇન્સ્ટાગ્રામ પર @tarunmalikx એકાઉન્ટ દ્વારા શેર કરવામાં આવ્યો છે. આ વીડિયોને લાખો વધુ વ્યૂઝ, અને હજારો લાઈક્સ અને સેંકડો કોમેન્ટ્સ મળી છે. જો કે, કોમેન્ટમાં ચર્ચાઓ પણ શરૂ થઈ છે. એક યુઝરે લખ્યું, "જો તમે દિવસમાં 20 કલાક કામ કરો છો, તો પણ તમે 50 હજાર રૂપિયા કમાતા નથી." ઘણા લોકોએ ઉમા શંકરની મહેનત અને સમર્પણની પ્રશંસા કરી, તેને પ્રેરણાદાયક ગણાવી હતી.
સ્વાસ્થ્ય અંગે અલગ તર્ક રજુ
જ્યારે આ કહાની સખત મહેનત અને શિસ્તની તાકાત દર્શાવે છે, ત્યારે બીજી બાજુ કામના લાંબા કલાકો, થાક અને શારીરિક શ્રમના ઊંચા ખર્ચ પર પણ પ્રશ્ન ઉઠાવે છે, જે આટલી મોટી આવક કમાવવા માટે વપરાય છે. છતાં, ઉમા શંકરની કહાની સાબિત કરે છે કે, જો કોઈ સતત પ્રયત્ન કરવા તૈયાર હોય તો ગિગ વર્ક પણ આવકનો મોટો સ્ત્રોત બની શકે છે.
આ પણ વાંચો ------- Wife Bites Husband Tongue : રીલના રવાડે ચઢેલી પત્નીએ પતિની જીભ દાંતથી કાપી નાખી! જમવાનું માંગતા ખેલાયો ખૂની ખેલ