Fa9la સોંગના ટ્રેન્ડમાં હવે રોબોટની એન્ટ્રી, દર્શકો જોડેથી વાહવાહી લૂંટી
- વાયરલ ટ્રેન્ડમાં માણસોની સાથે હવે રોબોટને પણ ઘેલૂં લાગ્યું
- મુંબઇમાં આયોજિત પ્રતિષ્ઠિત ટેક ફેસ્ટમાં દર્શકોને રોબોટે ડોલાવ્યા
- ઉત્સાહિત કરી નાંખે તેવું દમદાર પરફોર્મન્સ આપ્યું
Fa9la Flipperachi Song Video : બોલીવુડ ફિલ્મ "ધુરંધર" ના ગીતો આજકાલ સોશિયલ મીડિયા પર ટ્રેન્ડ કરી રહ્યા છે. આ ગીતોમાં, સૌથી વધુ લોકપ્રિય "Fa9la" ગીત છે, જે અક્ષય ખન્નાની એન્ટ્રી દરમિયાન વાગ્યું હતું. આ ગીતનો ક્રેઝ ફરી એકવાર IIT બોમ્બે ખાતે યોજાયેલા ટેકફેસ્ટ 2025 માં સામે આવ્યો છે. જેમાં એક રોબોટે સ્ટેજ પર ડાન્સ કરી રહ્યો છે, જેને જોઇને દર્શકો દંગ રહી ગયા છે. આ વીડિયો સોશિયલ મીડિયામાં વાયરલ થતાની સાથે લોકોમાં ઉત્સુકતા જોવા મળી રહી છે. હવે માણસોની સાથે રોબોટ પણ ટ્રેન્ડમાં ધૂમ મચાવી રહ્યા છે.
View this post on Instagram
ખુશી સાથે હાસ્યનું મોજું ફરી વળ્યું
આ વીડિયો ઇન્સ્ટાગ્રામ પર @informed.in હેન્ડલ દ્વારા શેર કરવામાં આવ્યો હતો. આ પ્રસ્તુતિ ટેકફેસ્ટના મુખ્ય સ્ટેજમાં જોવા મળી હતી, જ્યાં પ્રેક્ષકો રોબોટિક્સ અને AI ની પ્રસ્તુતિની અપેક્ષા રાખતા આવ્યા હતા. જો કે, જ્યારે રોબોટે આત્મવિશ્વાસથી "Fa9la Flipperachi Song" ની ધૂન પર ડાન્સ કરવાનું શરૂ કર્યું, ત્યારે દર્શકોએ ઉત્સાહિત થઇને તેનો આનંદ મળ્યો હતો. મ્યુઝિક શરૂ થતાં જ, રોબોટ હાથ અને પગ લહેરાતો અને ચોકસાઈ સાથે વિવિધ ડાન્સ મુવ્ઝ કરતો હતો. તેને ખાસ ટ્રેઇન કરવામાં આવ્યો હોવાનું લોકોનું અનુમાન છે, જેનાથી દર્શકોમાં ખુશી સાથે હાસ્યનું મોજું ફરી વળ્યું હતું. રોબોટનું પરફોર્મન્સ ઝડપથી દિવસનું મુખ્ય આકર્ષણ બની ગયું હતું. દર્શકોના ઘણા લોકો ફક્ત મશીનની ટેકનિકલ ચોકસાઈથી જ નહીં, પણ તેની આત્મવિશ્વાસપૂર્ણ પરફોર્મન્સથી આશ્ચર્યચકિત થઈ ગયા હતા.
ફિલ્મની મહત્વપૂર્ણ ક્ષણ
આ વીડિયો વાયરલ થવામાં વધુ સમય લાગ્યો નહતો. થોડા કલાકોમાં, ડાન્સના શોર્ટ વીડિયોઝ ઇન્સ્ટાગ્રામ અને યુટ્યુબ પર ટ્રેન્ડિંગમાં હતા, અને તે કેમ્પસની બહાર પણ ફેલાઈ ગયા હતા. એ નોંધનીય છે કે બહેરીન સ્થિત રેપ કલાકાર ફ્લિપેરાચી દ્વારા રચિત FA9LA ફક્ત એક સોંગ ટ્રેક નથી, પરંતુ તે ફિલ્મમાં એક મહત્વપૂર્ણ ક્ષણ માનવામાં આવે છે, જ્યાં દિગ્દર્શક આદિત્ય ધરે સ્ટોરીને ચાલાકીથી સંતુલિત કરી છે.
આ પણ વાંચો ------ Viral Kohli ને કેમેરાની ફ્રેમમાં કેદ કરવા બસ ડ્રાઇવરે જોરદાર રસ્તો કાઢ્યો