વિજય માલ્યા અને લલિત મોદીની પાર્ટીની તસ્વીરો વાયરલ, અનેક જાણીતા ચહેરા હાજર રહ્યા
- લલિત મોદી અને વિજય માલ્યાની જોડીએ લંડનમાં મોટી પાર્ટી આપી
- પાર્ટીમાં ભારત અને વિશ્વના અનેક જાણીતા ચહેરાની હાજરીની તસ્વીરો વાયરલ
- બંનેને ભારત સરકાર દ્વારા ભાગેડું જાહેર કરવામાં આવ્યા છે
- આ તસ્વીરો લલિત મોદીની બર્થડે પાર્ટી અને વિજય માલ્યાની પ્રિ બર્થડેની હોવાનો અંદાજ છે
Lalit Modi And Vijay Mallya Partying : ઇન્ડિયન પ્રીમિયર લીગ (IPL) ના ભૂતપૂર્વ ચેરમેન લલિત મોદીએ ઉદ્યોગપતિ વિજય માલ્યા માટે એક ભવ્ય પાર્ટીનું આયોજન કર્યું હતું. વિજય માલ્યાનો જન્મદિવસ થોડા દિવસો દૂર છે, અને લલિત મોદીએ તેમના મિત્ર માટે આ પૂર્વ-જન્મદિવસ પાર્ટીનું આયોજન કર્યું હતું. આ પાર્ટી લલિત મોદીના બેલગ્રેવ સ્ક્વેર સ્થિત વૈભવી નિવાસસ્થાને યોજાઈ હોવાનું જાણવા મળી રહ્યું છે. જેમાં બાયોકોનના સ્થાપક કિરણ મઝુમદાર-શો, અભિનેતા ઇદ્રીસ એલ્બા અને પ્રખ્યાત ફેશન ડિઝાઇનર મનોવિરાજ ખોસલા સહિત ઘણી અગ્રણી હસ્તીઓ હાજર રહ્યા હતા. અત્રે ઉલ્લેખનીય છે કે, આ પાર્ટી વિજય માલ્યાની 70 મી બર્થડે પહેલાની પ્રિ પાર્ટી હોવાનું ઇન્ટરનેટના માધ્યમથી સામે આવ્યું છે. લલિત મોદી અને વિજય માલ્યા બંનેને ભારતની સરકારે ભાગેડું જાહેર કર્યા છે.
View this post on Instagram
"કિંગ ઓફ ગુડ ટાઈમ્સ" શબ્દો બોલ્ડ અક્ષરોમાં લખેલું
પાર્ટીના ઘણા ફોટા સોશિયલ મીડિયા પર વાયરલ થયા છે. કેટલાક ફોટામાં, કિરણ મઝુમદાર-શો ફેશન ડિઝાઇનર સાથે પોઝ આપતા જોવા મળે છે. ફોટોગ્રાફર જીમ રીડેલે પણ તેમના સોશિયલ મીડિયા એકાઉન્ટ પર પાર્ટીના ફોટા શેર કર્યા છે. લલિત મોદીએ પોતે સોશિયલ મીડિયા પર એક પોસ્ટમાં બધા મહેમાનોનો આભાર માન્યો હતો. તેમણે વિજય માલ્યાને તેમના ખાસ મિત્ર ગણાવ્યા હતા. રસપ્રદ વાત એ છે કે, પાર્ટીના આમંત્રણ કાર્ડ પર "કિંગ ઓફ ગુડ ટાઈમ્સ" શબ્દો બોલ્ડ અક્ષરોમાં લખેલા હતા. આ વાક્ય ખાસ કરીને વિજય માલ્યા માટે લખવામાં આવ્યું હતું.
બંને કરોડોના કૌભાંડમાં સંડોવાયેલા છે
જો કે, ફોટા સામે આવતાની સાથે જ સોશિયલ મીડિયા પર લલિત મોદી અને વિજય માલ્યાનું જોરદાર ટ્રોલિંગ શરૂ થઈ ગયું. બંનેને નિશાન બનાવવામાં આવી રહ્યા છે કારણ કે તેમના પર ભારતને કરોડો રૂપિયાનું નુકસાન પહોંચાડવાનો અને દેશ છોડીને ભાગી જવાનો આરોપ છે. અત્રે નોંધનીય છે કે, વિજય માલ્યા માર્ચ 2016 માં ભારત છોડીને યુકે ચાલ્યા ગયા હતા, જ્યારે લલિત મોદી નાણાકીય અનિયમિતતાના આરોપો બાદ 2010 માં દેશ છોડીને ભાગી ગયા હતા.
આ પણ વાંચો ------- Most Favored Nation : ટ્રમ્પની નવી પોલીસી ભારતના ફાર્મા સેક્ટર માટે બે ધારી તલવાર