ભારતમાં ફરવા આવેલી ફ્રાંસની મહિલાને રીક્ષા ચાલક જોડે પ્રેમ થયો, અને.....!
- વેબ સિરિઝને પણ ટક્કર મારે તેવો કિસ્સો
- ધો. 10 નાપાસ રીક્ષા ચાલક અને ફ્રાંસની મહિલા વચ્ચે પ્રેમ પાંગર્યો
- પરિવારે વિરોધ કરવા છતાંય બંને એકબીજા પ્રત્યે મક્કમ રહ્યા
Indian Auto Driver Love Story : ક્યારેક, ભાગ્ય ઓટો-રિક્ષાની પાછળની સીટ પર મળે છે. ફ્રાન્સની એક યુવતીની ભારતની મુલાકાતે, અને એક ભારતીય ઓટો-રિક્ષા ડ્રાઈવર... બંનેની અલગ અલગ દુનિયા, પણ હૃદય એકસૂર થયું, બાદમાં વિઝાના અવરોધો ઉભા થયા, મુશ્કેલીઓ વધી, પણ પ્રેમ આખરે સરહદો પાર કરી ગયો. સોશિયલ મીડિયા પર વાયરલ થઈ રહેલી આ કહાની મુજબ, હાલના વર્ષોમાં ફ્રાન્સની એક યુવતી ભારતની મુલાકાતે આવી હતી. દરમિયાન, તેણી એક સ્થાનિક ઓટો-રિક્ષા ડ્રાઈવરને મળી હતી. બંને વચ્ચે સંવાદ સામાન્ય વાતચીત તરીકે શરૂ થયો હતો, તે ધીમે ધીમે મિત્રતા, અને અંતે પ્રેમમાં પરિણમ્યો હતો. ભાષા, સંસ્કૃતિ અને દેશ અલગ હતા, પરંતુ લાગણીઓ એક જ ભાષા બોલતી હતી. આ કહાની લોકોને સ્પર્શી રહી છે કારણ કે, આ વાચ દેખાડા વિશે નથી, પરંતુ સાદગી અને સાચી ઇચ્છા વિશે છે - એક એવી ઇચ્છા જે આજના સમયમાં ભાગ્યે જ જોવા મળે છે.
A white girl from France came to India to travel. She met an auto driver and both fell in love with each other.
He was 10th fail, so his visa was rejected many times.
Finally, he reached France and they got married. Now they have two beautiful kids.
Love seeing Indian men win. pic.twitter.com/2wSFyhzIj2
— ︎ ︎venom (@venom1s) January 4, 2026
બે અઠવાડિયા સુધી પ્રવાસ કર્યો
સોશિયલ મીડિયા પ્લેટફોર્મ X પર @venom1s એકાઉન્ટ દ્વારા શેર કરાયેલ એક મિનિટનો વિડીયો લોકોના દિલ જીતી રહ્યો છે. દંપતીના ફોટા સાથેના વિડીયોમાં લખ્યું છે કે, "યુવાન જયપુરમાં એક સામાન્ય ઓટો-રિક્ષા ડ્રાઈવર હતો. જ્યારે ફ્રેન્ચ મુસાફર સારા, તેના મુસાફર તરીકે તેની ઓટો-રિક્ષામાં ચઢી અને ત્યાર બાદ તેનું જીવન બદલાઈ ગયું." સારા યુરોપથી ભારત ફરવા આવી હતી, અને તે યુવક તેને લગભગ બે અઠવાડિયા સુધી તેની ઓટો-રિક્ષામાં જયપુર લઈ ગયો હતો. આ દિવસો દરમિયાન, તેમની વાતચીત, વિશ્વાસ અને મિત્રતા ગાઢ બની હતી. આ મિત્રતા ધીમે ધીમે પ્રેમમાં ખીલી - એક એવો પ્રેમ જે કોઈ સીમાઓને ઓળખતો નથી.
પરિવારે સંબંધ ફગાવી દીધો
જ્યારે સારા યુરોપ પાછી ફરી, ત્યારે તેણીએ અંતરનું દુઃખ અનુભવ્યું હતું, પરંતુ કલાકો સુધી દરરોજ વાતચીત કરવાથી તેમના સંબંધો મજબૂત રહ્યા હતા. બંનેએ લગ્ન કરવાનું નક્કી કર્યું, પરંતુ રસ્તો સરળ નહોતો. સારાના પરિવારે તેમના સંબંધોનો વિરોધ કર્યો કારણ કે, તે યુવાન 10મા ધોરણમાં નાપાસ થયો હતો અને વ્યવસાયે ઓટો-ડ્રાઇવર હતો. આ કારણે, તેનો ફ્રેન્ચ વિઝા ઘણી વખત નકારી કાઢવામાં આવ્યો હતો. આ સમયગાળો તેમના માટે એક મોટી કસોટી હતો, પરંતુ ધીરજ અને વિશ્વાસ તેમની સાથે રહ્યો.
13 વર્ષથી બંને સાથે છે
ઘણા પ્રયાસો પછી, તે યુવાન ફ્રાન્સ પહોંચવામાં સફળ રહ્યો, અને બંને લગ્નના તાંતણે બંધાયા હતા. આજે, આ દંપતી દિવાળી અને ક્રિસમસ બંને સાથે ઉજવે છે. વિડિઓમાં, યુવક લખે છે, "લોકોએ કહ્યું હતું કે, તે છોડી દેશે, પરંતુ 13 વર્ષ પછી પણ બંને સાથે છે." આજે, તેમનો એક નાનો, ખુશ પરિવાર અને બે સુંદર બાળકો છે. આ ફક્ત એક વાયરલ વિડિઓ નથી, પરંતુ આશા, હિંમત અને સાચા પ્રેમનું ઉદાહરણ છે. જયપુરની શેરીઓથી લઈને ફ્રાન્સ સુધી, આ વાર્તા દર્શાવે છે કે જ્યારે પ્રેમ થાય છે, ત્યારે રસ્તાઓ બને છે.
આ પણ વાંચો -------- Naagin Fame Sudha Chandran ધાર્મિક પ્રસંગે ધુણવા લાગી, લોકોએ સંભાળી