વિદેશી સિંગરને જોધપુરમાં વિતાવેલું બાળપણ યાદ આવ્યું, ભારતના ભરપેટ વખાણ કર્યા

• વિદેશી સિંગરે પોતાનું બાળપણ ભારતમાં વિતાવ્યું
• સિંગરના માતા અને પિતા બંને અલગ અલગ દેશોમાંથી આવે છે
• બિયાન્કાએ સોશિયલ મીડિયામાં શેર કરેલી સ્ટોરી લોકોને ખુબ ગમી

Bianca Nieddu Mesmerize Jodhpur, Praise India : ઇન્ડોનેશિયાના બાલીમાં રહેતી મહિલા સંગીતકાર કેનેડિયન અને ઇટાલિયન મૂળ ધરાવે છે, તેણે ભારતમાં તેના બાળપણ સમયની અનોખી વાત શેર કરીને સોશિયલ મીડિયા પર લોકોના દિલ જીતી લીધા છે. બિઆન્કા નિએડ્ડુની માતા કેનેડિયન છે, અને પિતા ઇટાલિયન છે, તેણે સોશિયલ મીડિયા પોસ્ટમાં જણાવ્યું કે, તે ત્રણ મહિનાની ઉંમરથી ભારતમાં ઉછરી હતી, અને 16 વર્ષની થતા સુધી ત્યાં રહી હતી, જ્યાં તે સ્થાનિક સંસ્કૃતિ અને લોકો સાથે સંપૂર્ણપણે ભળી ગઈ હતી. તેણીનો આ વીડિયો સોશિયલ મીડિયામાં ભારે વાયરલ થઇ રહ્યો છે. યુઝર્સ પણ આ વીડિયોના કોમેન્ટમાં સકારાત્મક ટિપ્પણીઓ વરસાવી રહ્યા છે.

 

View this post on Instagram

 

A post shared by Bianca Nieddu (@biancanieddu)

વીડિયો ઇન્સ્ટાગ્રામ પર શેર કરાયો

વાયરલ થયેલો આ વિડિઓ @biankanieddu હેન્ડલ દ્વારા ઇન્સ્ટાગ્રામ પર શેર કરવામાં આવ્યો હતો. વીડિઓમાં, બિઆન્કા નિએડ્ડુએ રાજસ્થાનના જોધપુરમાં તેના બાળપણના ફોટા બતાવ્યા હતા, અને ભારતમાં તેના માતાપિતાના મળવા અને પ્રેમમાં પડવાની યાદો શેર કરી હતી, ત્યારબાદ તેઓએ પોતાનું ઘર બનાવવાનું નક્કી કર્યું હતું. ત્યારબાદની પોસ્ટ્સમાં, તેણીએ એક વિદેશી છોકરી તરીકે ભારતીય વાતાવરણમાં વિતાવેલા બાળપણના તેના અનુભવો વિશે ખુલીને વાત કરી હતી. બિઆન્કા નિએડ્ડુએ તેના બાળપણને સ્નેહ, મજબૂત બંધનો અને સતત ઉજવણીઓથી ભરપુર ગણાવ્યું હતું.

ભારતીય સંસ્કૃતિની ચાહક

બિઆન્કા નિએડ્ડુએ યાદ કર્યું કે, પડોશીઓ અને સંબંધીઓ ઘણીવાર તેમના પરિવારની સંભાળ પોતાના પરિવારની જેમ કરતા હતા, અને તેમ પણ કહ્યું કે, તેનો ઉછેર એવા વાતાવરણમાં થયો, જ્યાં લોકો બીમાર હોય ત્યારે બીજા તેમના માટે જમવાનું લાવતા હતા, અને તેમને ઘરે આવવા આમંત્રણ પણ આપતા હતા. બિઆન્કા નિએડ્ડુએ ભારતીય તહેવારો વિશે લાગણી વ્યક્ત કરતા જણાવ્યું કે, તહેવારના કારણે તેમની શાળાની રજાઓ લાંબી લાગતી હતી. તેણીએ યાદ કર્યું કે, રોજિંદા હિન્દી ભાષાનો ઉપયોગ તે કેવી રીતે કરતી હતી, અને સ્થાનિક જોડે વિચારોની આપ-લે સારી રીતે શીખતી ગઇ હતી. તેણીએ તેના પ્રેમાળ સ્વજનના હિન્દી વાક્યો, જેમ કે "બેટાજી કિતને બડે હો ગયે હો આપ?" ની નકલ કરવા અંગે પણ મજાક કરી હતી.

લોકોએ પ્રશંસા કરી

સોશિયલ મીડિયા પર આ વીડિયોને ખુબ પસંદ કરવામાં આવી રહ્યો છે. પોસ્ટને વિશ્વભરના ઇન્ટરનેટ યુઝર્સ તરફથી સકારાત્મક પ્રતિભાવ મળ્યો છે, જેમાંથી ઘણાએ હિન્દી પર તેની પકડ અને ભારતીય સંસ્કૃતિ સાથેના તેના ઊંડા જોડાણની પ્રશંસા કરી છે, અને કહ્યું છે કે, તેણી તેમના પરિવારના સભ્ય જેવું અનુભવે છે. યુઝર્સે કહ્યું કે, તેમના વિચારો ભારતીય જીવનમાં વળાયેલા ભાવનાત્મક અને સાંસ્કૃતિક બંધનોને ઉજાગર કરે છે.

આ પણ વાંચો -------  Viral : મહિલાએ કર્યો કમાલ !, એક જ રોટલામાં ત્રણ ધાન્યનો સ્વાદ ભેગો કર્યો