Iran child Viral Video : દોસ્તને જોઈ આંખો છલકાઈ! યુદ્ધના મેદાનમાંથી જીવ બચાવી શાળાએ પહોંચ્યો માસૂમ
- ઈરાની બાળકની વાપસી: મિત્રોને જોતા જ છલકાયા આંસુ!
- યુદ્ધ જેવી સ્થિતિ વચ્ચે ફસાયેલો રાદિન 2 મહિના પછી સ્કૂલે પહોંચ્યો
- ક્લાસરૂમમાં માસૂમ મિત્રોએ દોડીને તેને ગળે લગાવી લીધો
- ઈરાનથી ચીન પરત ફરતા સર્જાયા અત્યંત ભાવુક દ્રશ્યો
- 102 દિવસ સુધી સંપર્ક વિહોણા રહ્યા બાદ બાળક સુરક્ષિત મળ્યો
ઈરાન અને ઈઝરાયેલ વચ્ચે ચાલી રહેલા યુદ્ધના પડઘા આખી દુનિયામાં સંભળાઈ રહ્યા છે, પરંતુ આ ભયાનક સંઘર્ષની વચ્ચે પણ માનવતા અને નિર્દોષ મિત્રતાના એવા દ્રશ્યો સામે આવે છે જે પથ્થર દિલ માણસને પણ પિગળાવી દે. હાલમાં સોશિયલ મીડિયા પર ઈરાની માસૂમ બાળક રાદિનનો એક Viral Video ધૂમ મચાવી રહ્યો છે, જે યુદ્ધની ભયાનકતા વચ્ચે પણ આશાનું કિરણ જગાડે છે.
Iran child Viral Video : શાળામાં પુનઃમિલનના ભાવુક દ્રશ્યો
રાદિન નામનો આ બાળક ચીનમાં અભ્યાસ કરે છે. આ વર્ષે ફેબ્રુઆરી મહિનામાં જ્યારે તે પોતાના પરિવાર સાથે 'વિન્ટર બ્રેક' (Winter Break) માણવા ઈરાન ગયો હતો, ત્યારે તેને અંદાજો પણ નહોતો કે પરિસ્થિતિ આટલી ગંભીર થઈ જશે. જતી વખતે તેણે તેના શિક્ષકને વચન આપ્યું હતું કે તે માત્ર 20 દિવસમાં પરત ફરશે. પરંતુ ઈરાન અને ઈઝરાયેલ વચ્ચે યુદ્ધ જેવી સ્થિતિ (War-like situation) સર્જાતા રાદિન ત્યાં જ ફસાઈ ગયો. સતત બોમ્બમારો અને તણાવપૂર્ણ વાતાવરણમાં આગામી 42 દિવસ સુધી તેનો કોઈ જ સંપર્ક થઈ શક્યો નહીં.
Iran child Viral Video : ક્લાસ રૂમનું વાતાવરણ એકદમ બદલાઈ ગયુ
લગભગ 2 મહિના અને કુલ 102 દિવસના લાંબા ઈન્તજાર બાદ જ્યારે રાદિન અચાનક પોતાની ક્લાસરૂમમાં દાખલ થયો, ત્યારે ત્યાંનું વાતાવરણ એકાએક બદલાઈ ગયું. વીડિયોમાં જોઈ શકાય છે કે રાદિનને જોતા જ તેના સહાધ્યાયીઓ (Classmates) ના ચહેરા ખીલી ઉઠે છે. બાળકો પોતાની બેન્ચ પરથી કૂદીને દોડી આવે છે અને રાદિનને ગળે લગાડી લે છે. કેટલાક બાળકો એટલા ભાવુક થઈ જાય છે કે તેમની આંખોમાંથી દડદડ આંસુ વહેવા લાગે છે. આ દ્રશ્ય માત્ર મિત્રતાનું જ નહીં, પરંતુ ઈન્સાનિયતની સૌથી સુંદર તસવીર છે.
Early this year, Radin, an Iranian boy studying in China, returned to his homeland with his family for what was meant to be a simple winter break. On February 25, he sent a WeChat message to his teacher, promising, "I'll be back for class in 20 days!" His words were filled with… pic.twitter.com/rrfAhUdo07
— AL-fira 🇨🇳 (@UlyssesFinn) May 6, 2026
યુદ્ધ અને માસૂમિયત
આ વીડિયોએ સોશિયલ મીડિયા પર ભારે ચર્ચા જગાવી છે. લાખો લોકો આ વીડિયોને શેર કરી રહ્યા છે અને કમેન્ટમાં લખી રહ્યા છે કે "યુદ્ધ ભલે દેશો વચ્ચે હોય, પણ તે સૌથી વધુ બાળકોનું બાળપણ (Childhood) છીનવી લે છે." રાદિનના મિત્રો તેની સલામતી માટે સતત પ્રાર્થના કરી રહ્યા હતા અને જ્યારે તેને જીવતો અને સુરક્ષિત જોયો, ત્યારે તેમની ખુશીનો કોઈ પાર રહ્યો નહીં.
વાયરલ વીડિયો અંગે પ્રતિક્રિયા
આ વીડિયો આપણને યાદ અપાવે છે કે દુનિયામાં ગમે તેટલી નફરત કે હિંસા હોય, પરંતુ બાળકોની નિર્દોષતા અને નિઃસ્વાર્થ પ્રેમ હંમેશા જીવંત રહે છે. ઈન્ટરનેટ યુઝર્સ આને આ વર્ષનો સૌથી વધુ હૃદયસ્પર્શી વીડિયો ગણાવી રહ્યા છે. રાદિનની આ વાપસી એ સાબિતી છે કે અંધકાર ભલે ગમે તેટલો ઘેરો હોય, પણ આશાનું તેજ હંમેશા રસ્તો શોધી લે છે.
આ પણ વાંચો : Met Gala Viral Video: "જ્યાં ઈશા, ત્યાં ઓરી": કિમ કાર્દાશિયન જેવું જ છે ઈશા અને ઓરીનું આ અનોખું બોન્ડિગ!