'આ સૌથી ખતરનાક એરલાઇન્સ છે', પાકિસ્તાનની પોલ ખોલતો વિદેશી નાગરિક

• વિદેશી નાગરિકે પાકિસ્તાનની હકીકત દુનિયા સમક્ષ ખુલ્લી પાડી
• ભારતના પાડોશી દેશ પાસે બોગસ લાયસન્સ ધરાવતા પાયલટ હોવાનો દાવો કરાયો
• જે જાણીને વિદેશી નાગરિક ડરનો માર્યો હવાઇ મુસાફરી કરવા મજબુર
• સમગ્ર ઘટનાનો વીડિયો સોશિયલ મીડિયામાં મુકતા ભારે વાયરલ થયો

Irish Vlogger Exposes Pakistan Airlines Reality : પાકિસ્તાની એરલાઇનમાં મુસાફરી કરતા એક આઇરિશ પ્રવાસીનો વીડિયો હાલમાં સોશિયલ મીડિયા પર વાયરલ થઈ રહ્યો છે. ટ્રાવેલ વ્લોગર સીન હેમન્ડ તેના અનોખા અનુભવો માટે જાણીતા છે, પરંતુ તેની હાલમાં મુસાફરીની ફ્લાઇટ તેને ગભરાવી દે છે. વિડિઓમાં, આઇરિશ ક્રિએટરવિશ્વની સૌથી ખતરનાક માનવામાં આવતી એરલાઇન્સ અંગે વાત કરે છે. વીડિઓની શરૂઆતના સીનમાં વિમાનની અંદર તેની બારીની સીટ પર બેસીને પોતાને વીડિયો બનાવે છે. જેમાં તે શાંત પરંતુ ગંભીર અવાજમાં પોતાના અનુભવનું વર્ણન કરે છે. વીડિયોમાં, તે કહે છે, "હું વિશ્વની સૌથી ખતરનાક એરલાઇનમાં મુસાફરી કરી રહ્યો છું, જ્યાં અહેવાલ મુજબ વિમાન ઉડાવનારા 30 ટકાથી વધુ લોકો હકીકતમાં પાઇલટ પણ નથી, અને તેના કારણે, એરલાઇનને યુરોપિયન એરસ્પેસમાંથી પ્રતિબંધિત કરવામાં આવ્યો છે."

 

View this post on Instagram

 

A post shared by Sean Hammond (@seanhammonds)

રનવે ટુંકો અને મુશ્કેલ

આ વિડિઓ ઇન્સ્ટાગ્રામ પર @seanhammonds હેન્ડલ દ્વારા શેર કરવામાં આવ્યો હતો. વિડિઓમાં, જેમ જેમ વિમાન ઉડાન ભરવાની તૈયારી કરે છે, સીન બેચેન હોવાનું સ્વીકારે છે. તે પોતાનો સીટ બેલ્ટ ટાઇટ કરે છે, અને આરામદાયક બનવાનો પ્રયાસ કરે છે. વૉઇસઓવરમાં તે આગળ કહે છે, "એ કહેવું ઓછું કહેવાય કે, હું થોડો ગભરાઈ ગયો હતો. તેથી મેં મારો સીટબેલ્ટ બાંધ્યો, અને ટેકઓફ માટે તૈયાર થઈ ગયો." બારીના પડદા ખુલતાની સાથે જ પરિસ્થિતિ બદલાઈ જાય છે. કેમેરા બહારના દૃશ્ય પર ધ્યાન કેન્દ્રિત કરે છે, જે નીચે ફેલાયેલી વિશાળ પર્વતમાળાઓ દર્શાવે છે. આ દૃશ્ય તેને આશ્ચર્યચકિત કરે છે. તે સમજાવે છે કે, આ દૃશ્યએ તેનો ડર ઓછો કર્યો હતો, અને તેને તેણે વિમાનમાંથી જોયેલા સૌથી સુંદર દૃશ્ય તરીકે ઓળખાવે છે. જો કે, જ્યારે તેને યાદ આવે છે કે, તેઓ ક્યાં જઈ રહ્યો છે, ત્યારે તેની ગભરાટ પાછી આવી જાય છે. તે સમજાવે છે કે, તેઓ પાકિસ્તાનના સૌથી ખતરનાક એરપોર્ટ પર ઉતરાણ કરી રહ્યા છે, જે તેના અત્યંત ટૂંકા રનવે અને મુશ્કેલ લેન્ડિંગ માટે જાણીતું છે.

અંધારામાં વિજય સમાન

લેન્ડિંગ પછી, શોને પ્રામાણિકપણે પોતાનો અનુભવ વર્ણવ્યો હતો. તેણે કહ્યું કે, ઉતરાણ "માખણ જેટલું સરળ" હતું અને ઉમેર્યું કે, "તેથી, લાઇસન્સ હોય કે ન હોય, મને લાગે છે કે, આ પાકિસ્તાની પાઇલોટ્સ ખૂબ સારું કામ કરી રહ્યા છે." વિડિઓ વાયરલ થતાંની સાથે જ, ઘણા યુઝર્સે ટિપ્પણીઓમાં તેમના મંતવ્યો શેર કર્યા છે, જેનાથી ભારે ચર્ચા શરૂ થઈ છે. કેટલાક દર્શકોએ પાઇલોટ્સનો મજબૂત રીતે બચાવ કર્યો હતો, અને એરલાઇનના સલામતી રેકોર્ડ વિશેના દાવાઓ પર સવાલ ઉઠાવ્યા હતા. એક યુઝરે લખ્યું, "પાકિસ્તાની પાઇલટ્સ અદ્ભુત છે. ખાસ કરીને જ્યારે ભારતીય વિમાનોને તોડી પાડવાની વાત આવે છે." બીજા યુઝરે લખ્યું, "પાકિસ્તાનની પ્રતિષ્ઠા અંધારામાં વિજય સમાન છે." અન્ય યુઝરે લખ્યું, "મેં અનુભવેલા કેટલાક શ્રેષ્ઠ લેન્ડિંગ, અને સરળ ટેકઓફ પાકિસ્તાની પાઇલટ્સ સાથે રહ્યા છે. મને આશ્ચર્ય થાય છે કે, આ અફવાઓ ક્યાંથી આવી રહી છે." એક કોમેન્ટમાં લખાયું કે, "પાઇલટ્સ વિશેના આ સમાચાર ખોટા છે, અને યુરોપમાં તેના પર કોઈ પ્રતિબંધ નથી."

આ પણ વાંચો --------  "બધું જ છે છતાં હું ખુશ કેમ નથી?", તાન્યાનો સવાલનો મહારાજે આપ્યો અદભૂત જવાબ