સ્મશાન છે કે કાફેટેરિયા... ચીનના આ સ્મશાનમાં નૂડલ્સ ખાતા લોકોની ભીડ જામી

• ચીનમાં સ્મશાનની કેન્ટીનમાં શ્રેષ્ઠ નૂડલ્સ મળી રહ્યા છે
• લોકો શબઘરની બહાર જમવા માટે પહોંચ્યા
• લોકો નુડલ્સની પ્લેટ માટે 2-2 કલાક લાઈનમાં ઉભા રહે છે

best noodles in the crematorium canteen : ચીનના ગુઇઝોઉ પ્રાંતના એર્લોંગ વિસ્તારમાં એક શબઘર બહાર ભોજન લેવા માટે લોકોની લાંબી કતારો જોવા મળી હતી. ખરેખર, કોઈએ સોશિયલ મીડિયા પર અફવા ફેલાવી હતી કે શહેરના શબઘરની અંદરની કેન્ટીનમાં શ્રેષ્ઠ નૂડલ્સ મળી રહ્યા છે. આ પોસ્ટ વાયરલ થતાં જ વૃદ્ધોથી લઈને નાના સુધી બધા સ્મશાનગૃહ પહોંચી ગયા.

નૂડલ્સ ખાવા આવેલા મોટાભાગના લોકોએ કોઈ મૃત વ્યક્તિના પરિચિત હોવાનો ડોળ કર્યો હતો. રસપ્રદ વાત એ છે કે અહીં બધા લોકો ઉદાસ ચહેરા સાથે નૂડલ્સ ખાઈ રહ્યા છે, જેથી કોઈને શંકા ન જાય કે આ લોકો ફક્ત ખાવા માટે આવ્યા છે.

સ્મશાનગૃહમાં નૂડલ્સ ૧૬૦ રૂપિયા પ્રતિ પ્લેટમાં વેચાઈ રહ્યા છે

રિપોર્ટ અનુસાર, સ્મશાન ભૂમિની કેન્ટીનમાં નૂડલ્સની પ્લેટ 160 રૂપિયામાં વેચાઈ રહી છે, જે સામાન્ય જગ્યાઓ જેટલી જ છે. આમ છતાં અહીં ભીડ ભેગી થઈ રહી છે તે ચર્ચાનું કારણ બને છે. ચીનમાં નૂડલ્સનો સૌથી વધુ ઉપયોગ થાય છે. સામાન્ય રીતે ચીનના લોકો ફક્ત નૂડલ્સ ખાવાનું પસંદ કરે છે.

સ્થાનિક મીડિયા કહે છે કે મેનેજરે ભીડને નિયંત્રિત કરવા માટે એક યોજના તૈયાર કરી છે. સ્મશાનગૃહના મેનેજરનું કહેવું છે કે જો ફૂડ લવર્સ તેમના પરિવારના સભ્યો સાથે અંતિમ સંસ્કાર માટે આવેલા લોકોને પરેશાન નહીં કરે તો તેમને કંઈ કહેવામાં આવશે નહીં. સ્મશાનગૃહના સંચાલકે ભોજનનો સમય પણ વધારી દીધો છે. સ્મશાનમાં બનેલી આ કેન્ટીનમાં નૂડલ્સ ઉપરાંત બીજી ઘણી વાનગીઓ ઉમેરવામાં આવી છે.

એક પ્લેટ માટે લોકો 2 કલાકથી લાઇનમાં ઉભા છે

સ્થાનિક લોકોએ મીડિયાને જણાવ્યું કે પહેલા અહીં ફક્ત તે જ લોકો આવતા હતા જેઓ કોઈના અંતિમ સંસ્કારમાં ભાગ લેતા હતા. કેન્ટીન એ જ લોકો માટે ખોલવામાં આવી હતી, પરંતુ થોડા દિવસ પહેલા TikTok પર એક પોસ્ટથી અહીં ભીડ વધી ગઈ. કેટલાક યુઝર્સે અહીંના નૂડલ્સની પ્રશંસા કરી, ત્યારબાદ લોકો અહીં શાંતિથી ખાવા આવવા લાગ્યા. સ્મશાનની આ કેન્ટીનમાં જમવા માટે 2 કલાક સુધી લાઈનમાં ઉભા રહેવું પડે છે.

ચીનનો ગુઇઝોઉ પ્રાંત તેના મસાલેદાર અને ખાટા ખોરાકને કારણે ઘણીવાર સમાચારમાં રહે છે.