Kanpur Girls Fighting Video: 'તેં મારા પ્રેમીને બાબુ કેમ કહ્યું?' કાનપુરમાં બે સહેલીઓ વચ્ચે ફાટી નીકળ્યું યુદ્ધ!
- કાનપુરમાં 'બૉયફ્રેન્ડ' માટે બે સહેલીઓ વચ્ચે લોહીલુહાણ જંગ
- યશોદા નગર બાયપાસ પર યુવતીઓ વચ્ચે હાઈવોલ્ટેજ ડ્રામા
- 'તેં મારા પ્રેમીને બાબુ કેમ કહ્યું?' કહી રસ્તા પર વાળ ખેંચી ફટકારી
- રસ્તા વચ્ચે થપ્પડબાજીનો વીડિયો સોશિયલ મીડિયા પર થયો વાયરલ
- વાયરલ વીડિયોના આધારે પોલીસે બંને યુવતીઓની ઓળખ હાથ ધરી
Kanpur Girls Fighting Video : 'ઉત્તર પ્રદેશના ઔદ્યોગિક શહેર કાનપુરમાંથી 'પ્રેમ, શંકા અને હાઈવોલ્ટેજ ડ્રામા'નો એક એવો વીડિયો સામે આવ્યો છે જેને જોઈને લોકો આશ્ચર્યચકિત થઈ ગયા છે. સામાન્ય રીતે ફિલ્મોમાં જોવા મળતા સીન જેવો નજારો કાનપુરના રસ્તા પર જોવા મળ્યો, જ્યાં બે યુવતીઓ એક જ યુવક એટલે કે પોતાના 'બૉયફ્રેન્ડ'ને લઈને જાહેર જનતાની વચ્ચે બાખડી પડી હતી. આ ઘટનાનો વીડિયો સોશિયલ મીડિયા પર આગની જેમ ફેલાઈ રહ્યો છે અને ચર્ચાનો વિષય બન્યો છે.
જાહેર રસ્તા પર હાઈવોલ્ટેજ ડ્રામા
અહેવાલો અનુસાર, આ ચોંકાવનારી ઘટના કાનપુરના યશોદા નગર બાયપાસ વિસ્તારની હોવાનું કહેવાય છે. ભરચક ટ્રાફિક અને લોકોની અવરજવર વચ્ચે અચાનક બે યુવતીઓ વચ્ચે ઉગ્ર બોલાચાલી શરૂ થઈ હતી. વાયરલ વીડિયોમાં જોઈ શકાય છે કે આ તકરાર માત્ર શબ્દો સુધી મર્યાદિત ન રહી અને હિંસક સ્વરૂપ ધારણ કરી લીધું હતું. એક યુવતીએ આવેશમાં આવીને બીજી યુવતીના વાળ પકડી લીધા અને તેને રસ્તા પર ઢસડી હતી. ત્યારબાદ બંને વચ્ચે લાતો અને થપ્પડોનો વરસાદ શરૂ થયો હતો, જેણે થોડી જ વારમાં મોટા ડ્રામાનું સ્વરૂપ લઈ લીધું હતું.
#कानपुर_नगर 🚨
बीच सड़क युवतियों का हाईवोल्टेज ड्रामा, 😡
बाल पकड़कर गिराया 🤯, लात-घूंसे चले, 👊
राहगीरों ने बनाया वीडियो 📱 हुआ वायरल, 🔥
नौबस्ता थाना क्षेत्र के यशोदा नगर बाईपास बताया जा रहा मामला।#KanpurNews #ViralVideo #BreakingNews @kanpurnagarpol @Uppolice pic.twitter.com/nMhC7DCsdQ— Mr Kushal Gupta,( K G ) (@g94897659) December 29, 2025
સહેલી પર જ લાગ્યો આરોપ (Kanpur Girls Fighting Video)
આ લડાઈ પાછળનું કારણ જાણીને આસપાસના લોકો પણ ચોંકી ગયા હતા. મળતી માહિતી મુજબ, આ બંને યુવતીઓ અસલમાં ખૂબ જ નજીકની સહેલીઓ હોવાનું મનાય છે. જોકે, આ મિત્રતામાં 'શંકા'નું ઝેર ઓગળ્યું હતું. એક યુવતીને એવી શંકા હતી કે તેની બહેનપણી તેના બૉયફ્રેન્ડ સાથે છૂપી રીતે સંપર્કમાં છે અને તેની પીઠ પાછળ વાતો કરે છે. વીડિયોમાં સ્પષ્ટ સંભળાય છે કે હુમલો કરનાર યુવતી બીજી યુવતીને જોરથી પૂછી રહી છે કે, "તેં મારા બૉયફ્રેન્ડને 'બાબુ' કહીને કેમ સંબોધ્યું?" તેણે વધુમાં એવો ગંભીર આરોપ પણ લગાવ્યો હતો કે તેની સહેલી તેના પ્રેમીને પ્રપોઝ કરીને સંબંધ તોડાવવાનો પ્રયાસ કરી રહી છે.
લોકો તમાશો જોતા રહ્યા, પોલીસ એક્શનમાં (Kanpur Girls Fighting Video)
દુર્ભાગ્યપૂર્ણ વાત એ રહી કે જ્યારે આ બંને યુવતીઓ રસ્તા વચ્ચે એકબીજાને લોહીલુહાણ કરી રહી હતી, ત્યારે ત્યાં ડઝનબંધ લોકો હાજર હતા. જોકે, માનવતા બતાવવાને બદલે મોટાભાગના લોકો તમાશો જોવામાં અને પોતાના મોબાઈલમાં આ 'લાઈવ ડ્રામા' કેદ કરવામાં વ્યસ્ત રહ્યા હતા. કોઈએ પણ આગળ વધીને આ મામલો શાંત પાડવાની તસ્દી લીધી નહોતી.
પોલીસ તપાસ અને કાર્યવાહી
આ ઘટનાનો વીડિયો પોલીસ સુધી પહોંચતા જ તંત્ર એક્શનમાં આવ્યું છે. સ્થાનિક પોલીસના જણાવ્યા અનુસાર, હજુ સુધી કોઈ પણ પક્ષ તરફથી સત્તાવાર લેખિત ફરિયાદ કરવામાં આવી નથી. પરંતુ જાહેર રસ્તા પર આ પ્રકારે ન્યૂસન્સ ફેલાવવા અને કાયદો-વ્યવસ્થાને પડકારવા બદલ પોલીસ હવે જાતે જ સંજ્ઞાન લઈ રહી છે.
વીડિયોના આધારે બંને યુવતીઓની ઓળખ કરવામાં આવી રહી છે અને ટૂંક સમયમાં જ તેમની સામે શાંતિ ભંગની કલમો હેઠળ કડક કાર્યવાહી કરવામાં આવશે. આ ઘટનાએ ફરી એકવાર સોશિયલ મીડિયા અને સંબંધોમાં આવતી શંકાની વિકૃતિને સપાટી પર લાવી દીધી છે.
આ પણ વાંચો : Google 67 Search Trend : સાવધાન! ગૂગલ પર '67' સર્ચ કરશો તો સ્ક્રીન નાચવા લાગશે, જાણો કેમ?