ચાલતી ગાડી પર અર્ધ-નગ્ન થઈને નાચ્યા યુવાનો

આ વાયરલ વીડિયો (Viral Video) માં સ્પષ્ટપણે જોઈ શકાય છે કે હુલ્લડબાજ પ્રવાસીઓનું એક જૂથ ચાલતા વાહનની અંદર અને બહાર જોખમી હંગામો મચાવી રહ્યું છે. આ ટૂંકી ક્લિપમાં કેટલાક પુરુષો વાહનની બારીઓ અને સનરૂફ (Sunroof) માંથી બહાર લટકેલા દેખાય છે. હદ તો ત્યારે થઈ જ્યારે તેમાંથી કેટલાક યુવાનો શર્ટલેસ (Shirtless / અર્ધ નગ્ન) થઈને પર્વતીય રસ્તાઓ પર પૂરપાટ ઝડપે દોડતી કારની છત પર ચઢીને નાચવા લાગ્યા હતા. આટલું જ નહીં, અન્ય એક યુવક કારના બાજુના દરવાજાની બહાર અડધો લટકેલી હાલતમાં બેઠેલો જોવા મળે છે. સોશિયલ મીડિયા પર માત્ર થોડી લાઈક્સ મેળવવા અથવા રીલ (Reel) બનાવવાના ચક્કરમાં આ યુવાનો પોતાના અને રસ્તા પર ચાલતા અન્ય લોકોના જીવનના જોખમ (Risk to life) થી તદ્દન અજાણ હતા.

સ્થાનિક લોકો અને સોશિયલ મીડિયા યુઝર્સનો ફાટી નીકળ્યો ગુસ્સો

આ વીડિયો સામે આવ્યા બાદ સોશિયલ મીડિયા પ્લેટફોર્મ X (જૂનું ટ્વિટર) પર લોકોનો ગુસ્સો ફાટી નીકળ્યો છે. એક યુઝરે આ વીડિયો શેર કરતા આકરા શબ્દોમાં લખ્યું કે, "આજુબાજુના અન્ય પ્રવાસીઓ અને ત્યાંથી પસાર થઈ રહેલી સ્થાનિક મહિલાઓ (Local women) ને તો જુઓ! આ કેવી હલકી કક્ષાની બેશરમી છે? આવા વર્તનને કોઈ પણ રીતે યોગ્ય ઠેરવી શકાય નહીં. આવા નફ્ફટ લોકો આખા રાજ્યની છબી (State's image) ને કલંકિત કરે છે." પર્વતીય વિસ્તારોના સાંકડા અને ખતરનાક વળાંકવાળા રસ્તાઓ (Winding roads) પર આવો હંગામો કરવો એ કોઈપણ મોટી દુર્ઘટનાને ખુલ્લું આમંત્રણ આપવા સમાન છે.

રીલ્સ બનાવવાનો ક્રેઝ અને સુરક્ષા સામે મોટો ખતરો

ઇન્ટરનેટ યુઝર્સે ઓનલાઈન અટેન્શન અને પોપ્યુલારિટી (Online popularity) મેળવવાના આ ઘેરા ક્રેઝ સામે ગંભીર ચિંતા વ્યક્ત કરી છે. સોશિયલ મીડિયા પર વીડિયો વાયરલ કરવા માટે લોકો પોતાના જીવની પરવા પણ કરતા નથી. પહાડોમાં આવા અવિચારી સ્ટંટ માત્ર સ્ટંટ કરનારાઓ માટે જ જીવલેણ સાબિત નથી થતા, પરંતુ ત્યાંથી પસાર થતા અન્ય નિર્દોષ વાહનચાલકો અને પ્રવાસીઓની સલામતી (Safety) માટે પણ એક મોટો ખતરો ઊભો કરે છે.

Kya fantasy hai ye kapde khol ke gaadi par ghoomne ki, wo bhi pahadon mein? Ek baar ke liye beach area mein bhi samajh aa jaye, but mountains?

Look at the other tourists around, local women are moving nearby too. What kind of shamelessness is this? This behaviour is nowhere to… pic.twitter.com/nqDCnLkKPN

— Nikhil saini (@iNikhilsaini) June 13, 2026

પોલીસ કાર્યવાહી અને સ્થાનિકોની માંગ

હાલની સ્થિતિએ, આ સમગ્ર મામલે હિમાચલ પ્રદેશ પોલીસ (Himachal Pradesh Police) અથવા સ્થાનિક વહીવટીતંત્ર (Local Administration) દ્વારા કોઈ સત્તાવાર નિવદન બહાર પાડવામાં આવ્યું નથી, કે આ વાહનનું કોઈ ચલણ (Challan) કાપવામાં આવ્યું છે કે નહીં તેની પણ સત્તાવાર પુષ્ટિ થઈ નથી. જો કે, આ વીડિયો સોશિયલ મીડિયા પર વાયરલ થયા બાદ સ્થાનિક લોકો અને નેટીઝન્સ હિમાચલ પ્રદેશના મુખ્યમંત્રી (Chief Minister) અને પોલીસ વિભાગને સતત ટેગ કરીને આ નફ્ફટ પ્રવાસીઓ સામે કડક કાનૂની કદમ ઉઠાવવાની અપીલ કરી રહ્યા છે.

આ પણ વાંચો : Viral Video : "ઘરેથી ભાગીને લગ્ન કરવાની આ સજા છે..." છોકરીના વીડિયોએ લોકોને મૂંઝવણમાં નાખી દીધા