Gucci Baby Diaper : માલદારોની પસંદીદા બ્રાન્ડના બેબી ડાયપર પેકની કિંમત રૂ. 50 હજાર !

Gucci Baby Diaper, મહિનાનું કરિયાણું આવી જાય

લક્ઝરી ફેશનની દુનિયામાં, શું ચમત્કારો થઈ શકે છે, તેની આગાહી કરવી અશક્ય છે. આ દિવસોમાં, Gucci ના બેબી ડાયપર ઇન્ટરનેટ પર ધૂમ મચાવી રહ્યા છે. વાયરલ પોસ્ટ્સ અનુસાર, 7 ડાયપરના પ્રીમિયમ પેકની કિંમત લગભગ 500 ડોલર અથવા 50,000 રૂપિયા હોવાનું કહેવાય છે. આનો અર્થ એ છે કે, પ્રતિ ડાયપર લગભગ 7,000 રૂપિયા છે. લોકો મજાકમાં કહી રહ્યા છે કે, "આ ડાયપરની કિંમત આપણા આખા માસિક કરિયાણા અને વીજળીના બિલને આવરી લેવા માટે પૂરતી છે."

 

View this post on Instagram

 

A post shared by Glamzone India (@glamzoneindia)

આ પણ વાંચો ------------ રૂવાડા ઉભા કરી દેતો અકસ્માત! ગોવામાં પેરાસેલિંગનું દોરડું તૂટતા પ્રવાસી દરિયામાં પડ્યો

Gucci Baby Diaper, શું બાળક સીધું શાળાએ જશે

એવો દાવો કરવામાં આવી રહ્યો છે કે, આ ડાયપર સામાન્ય પ્લાસ્ટિકથી બનેલા નથી, પરંતુ ઓર્ગેનિક કોટન, એન્ટી-બેક્ટેરિયલ લેયર અને સોફ્ટ મેમરી ફોમથી બનેલા છે. અહેવાલ મુજબ, તેમાં ગુચીનું સિગ્નેચર "GG" પેટર્ન છે, જેનાથી બાળક પારણામાં પણ ફેશન સ્ટેટમેન્ટ બનાવી શકે છે. આ લક્ઝરી એવી છે કે, આ ડાયપર સાદા પાઉચમાં નહીં, પણ વૈભવી બોક્સમાં આવે છે. નેટીઝન્સ પૂછી રહ્યા છે કે, શું બાળક તેને પહેર્યા પછી સીધું શાળાએ જાય છે !

મીમ્સ પુરતું સિમિત

હવે, ચાલો આ મુદ્દાની હકીકત જાણીએ. જો તમે વિચારી રહ્યા છો કે, આ અપડેટ સાચી છે કે નહીં, તો થોડી રાહ જુઓ. તપાસમાં એવું બહાર આવ્યું છે કે, ગુચીએ આવા ડાયપર સત્તાવાર રીતે લોન્ચ કર્યા નથી. હકીકતમાં, તે "ડિજિટલ મજાક" છે કે, સોશિયલ મીડિયા પર વાયરલ મીમ ફેલાઈ રહ્યા છે. હા, એ સાચું છે કે, ગુચી લાખોની કિંમતની ડાયપર બેગ વેચે છે, પરંતુ ડાયપર વેચવાનું હાલમાં કંપનીના એજન્ડામાં નથી. આ આખી કહાની ફક્ત ભ્રામક પ્રચાર છે. ઇન્ટરનેટ પર ચમકતી દરેક વસ્તુ બ્રાન્ડેડ નથી. ગુચીના મોંઘા ડાયપર વિશેની અફવા ફક્ત એક અફવા છે. જ્યારે બ્રાન્ડના બાળકોના કપડાં અને એસેસરીઝ પહેલેથી જ ઉપલબ્ધ છે, ત્યારે ડાયપરના ફક્ત મીમ્સ સુધી મર્યાદિત છે.

આ પણ વાંચો ------------ Deja Vu : મગજની રમત કે સમાંતર વિશ્વનો સંકેત?