Influencer Rachna Gurjar News : રીલ્સમાં સોના-ચાંદીના ઘરેણાં પ્રદર્શિત કરવાનું ભારે પડ્યું; રાતોરાત લૂંટાઈ ગઈ સોશિયલ મીડિયા સ્ટાર

ચોરોએ પહેલા યુટ્યુબ પર વીડિયો જોયા, પછી રેકી કરીને ઘરમાં લાખોની ચોરી કરી

શિવપુરીની રહેવાસી રચના ગુર્જર ડિજિટલ પ્લેટફોર્મ પર ખૂબ જ સક્રિય રહે છે અને વારંવાર પોતાના વ્લોગ્સમાં કિંમતી ઘરેણાં ટેબલ પર સજાવીને તેની કિંમતો ગણાવતી હતી. તેના આ વીડિયોને વ્યુઝ તો પુષ્કળ મળ્યા, પરંતુ આ દેખાવની સીધી નજર ચોરો પર પણ પડી ગઈ. સ્થાનિક અહેવાલો અનુસાર, ચોરોએ રચનાના વીડિયો ખૂબ જ બારીકાઈથી જોયા હતા અને કયા રૂમમાં કિંમતી સામાન હોઈ શકે છે તેની પૂરી પ્લાનિંગ કરી હતી. તસ્કરો તેના ઘરમાંથી આશરે ૨ લાખ રૂપિયાની રોકડ, સોનાના મંગળસૂત્ર, વીંટી અને ચાંદીના અનેક દાગીના ચોરીને રફુચક્કર થઈ ગયા છે.

સીસીટીવી કેમેરા ફેરવી નાખ્યા, ઘરના રૂમ બહારથી લોક કરીને આપ્યો અંજામ

ચોરોએ આ વારદાતને એટલી ચાલાકીથી અંજામ આપ્યો કે ઘરમાં સૂતેલા કોઈ સભ્યને ભનક સુધ્ધાં ન લાગી. તેમણે સૌથી પહેલા ઘરની બહાર લાગેલા સીસીટીવી કેમેરાની દિશા બદલી નાખી હતી, જેથી રેકોર્ડિંગ ન થાય. ત્યાર બાદ બાઉન્ડ્રીની ફેન્સિંગ કાપીને અંદર પ્રવેશ્યા અને ઘરના રૂમ બહારથી લોક કરી દીધા હતા. પરિવાર જ્યારે સવારે જાગ્યો ત્યારે તેમને રૂમ બહારથી બંધ હોવાની અને ચોરી થઈ હોવાની ખબર પડી હતી.

મુશ્કેલીના સમયે લોકોએ સહાનુભૂતિ આપવાને બદલે યુટ્યુબરને ટ્રોલ કરવાનું શરૂ કર્યું

આ ચોંકાવનારી ઘટના બાદ રચના ગુર્જરના દાગીના બતાવતા જૂના વીડિયો ઇન્ટરનેટ પર ફરીથી વાયરલ થવા લાગ્યા છે. નવાઈની વાત એ છે કે, આટલી મોટી નાણાકીય નુકસાની બાદ પણ સોશિયલ મીડિયા યુઝર્સ રચના પ્રત્યે કોઈ સહાનુભૂતિ દર્શાવી રહ્યા નથી. લોકો કમેન્ટ સેક્શનમાં તેની મજાક ઉડાવી રહ્યા છે અને કહી રહ્યા છે કે "હજી વધુ દેખાડો કરો, હવે ભોગવો." આ ઘટના એ વાતનું જીવંત ઉદાહરણ છે કે સોશિયલ મીડિયા પર પોતાની અંગત સંપત્તિ અને પ્રાઇવસીનું પ્રદર્શન કરવું ક્યારેક સુરક્ષા માટે કેટલું મોટું જોખમ બની શકે છે.

 

View this post on Instagram

 

A post shared by Rachana Gurjar (@udal_rachna_gurjar_ji)

આ પણ વાંચો : Viral Video : પતિ અને પ્રેમિકા કારમાં રંગેહાથ પકડાયા, પછી ગુસ્સે ભરાયેલી પત્નીએ ચાલુ ગાડીના બોનેટ પર ચઢીને શું કર્યું?