સિન્નાર MIDC વિસ્તારમાં સર્જાયો અકસ્માત

પ્રાપ્ત માહિતી અનુસાર નાસિકના સિન્નાર MIDC (Sinnar MIDC) વિસ્તારમાં એક ટ્રક ઝડપી ગતિએ પસાર થઈ રહ્યો હતો. દરમિયાન અચાનક ટ્રક ચાલકે વાહન પરનો કાબુ (Control) ગુમાવી દીધો હતો. કાબુ ગુમાવતા ટ્રક પલટી ગયો અને ફ્લાયઓવરની રેલિંગ (Railing) સાથે જોરદાર અથડાઈ ગયો હતો. ટક્કર એટલી ભયંકર હતી કે ટ્રક સંતુલન ગુમાવીને સીધો ફ્લાયઓવર પરથી નીચે પડી ગયો.

CCTVમાં કેદ થયો સમગ્ર અકસ્માત

અકસ્માતની સમગ્ર ઘટના નજીકમાં લાગેલા સીસીટીવી કેમેરામાં કેદ થઈ ગઈ છે. વાયરલ વીડિયોમાં સ્પષ્ટ જોઈ શકાય છે કે ટ્રક એક જ ક્ષણમાં કાબુ બહાર જઈને રેલિંગ સાથે અથડાય છે અને પછી ફ્લાયઓવર પરથી નીચે ખાબકી જાય છે. ટ્રક નીચે પડતાં જ જોરદાર ધડાકો થયો હતો. અવાજ એટલો પ્રચંડ હતો કે આસપાસ રહેલા જાનવરો પણ ગભરાઈને ત્યાંથી ભાગી ગયા હતા.

નાસિકના સિન્નર MIDC બાયપાસ ફ્લાયઓવર દુર્ઘટના
બેકાબૂ ટ્રક રેલિંગ અને બેરિયર તોડીને 50 ફૂટ નીચે પટકાયો
ભયાનક અકસ્માતમાં ટ્રક ચાલક ગંભીર રીતે ઘાયલ
સ્થાનિકોની મદદથી ટ્રક ચાલકને હોસ્પિટલમાં ખસેડાયો
અકસ્માતની ઘટનાનો વીડિયો વાયરલ થયો#Maharashtra #Nashik #Sinnar #MIDCBypass… pic.twitter.com/Q89rJBA1fT

— Gujarat First (@GujaratFirst) July 27, 2026

ડ્રાઈવર ગંભીર રીતે ઘાયલ, તપાસ શરૂ

અકસ્માત બાદ આસપાસના લોકો તરત જ ઘટનાસ્થળે દોડી આવ્યા હતા. ઘટનાની જાણ થતાં પોલીસ (Police) અને બચાવ ટીમ (Rescue Team) પણ તાત્કાલિક સ્થળ પર પહોંચી હતી અને રાહત કામગીરી હાથ ધરી હતી. અકસ્માતમાં ટ્રક ચાલક ગંભીર રીતે ઘાયલ થયો હોવાનું જાણવા મળ્યું છે. તેને તાત્કાલિક હોસ્પિટલમાં દાખલ કરીને સારવાર આપવામાં આવી રહી છે. પોલીસ હાલ સીસીટીવી ફૂટેજ અને અન્ય પુરાવાના આધારે તપાસ કરી રહી છે કે ટ્રક ચાલકે અચાનક વાહન પરનો કાબુ કેવી રીતે ગુમાવ્યો. અકસ્માત પાછળ વધુ ઝડપ, ટેક્નિકલ ખામી (Technical Fault) કે અન્ય કોઈ કારણ જવાબદાર છે કે નહીં, તે અંગે તપાસ ચાલી રહી છે.

આ પણ વાંચો : Dog Attack Video Viral : બહું Reel ના ચક્કરમાં ન રહો.. નહીંતો થશે કઇંક આવું...!